Բարեկամություն
Բարեկամություն, հավատարիմ՝ սրտակից լինելը, մեկին բարին կամենալը։
Քաղվածքներ
[խմբագրել]- Անձնապաշտությունը թույն է բարեկամների համար[1]։
- Իմ բարեկամը նա է, ում ամեն ինչ կարող եմ ասել[1]։
- Անկեղծ բարեկամներից զրկված մարդը հիրավի միայնակ է[1]։
- Բարեկամությունը կրկնապատկում է ուրախությունները և կիսով չափ կրճատում է վիշտը[1]։
- Իսկական ազնիվ բարեկամությունը փոխադարձ աջակցության մեջ է[1]։
- Ո՛չ ստրուկին, ո՛չ էլ տիրակալին բարեկամություն պետք չէ։ Բարեկամությունը հավասարություն է սիրում[2]։
- Երջանկության մեջ հեշտ է բարեկամ գտնել, իսկ դժբախտության մեջ՝ չափազանց դժվար[2]։
- Իմաստ չունի նրա ապրելը, ով ոչ մի իսկական բարեկամ չունի[2]։
- Բարեկամությունը սպասարկում չէ, նրա համար շնորհակալություն չեն հայտնում[2]։
- Տան զարդարանքը տուն այցելող բարեկամներն են[2]։
- Բարեկամության պատվիրանը հավատարմությունն է[2]։
- Վստահությունը բարեկամության առաջին պայմանն է[2]։
- Իսկական բարեկամությունը նախանձչգիտի[2]։
- Բարի բարեկամը մեծ գանձ է[2]։
- Տիրոջ և ստրուկի միջև բարեկամություն չի կարող լինել[2]։
- Լավ է բացահայտ թշնամին, քան բարեկամը նենգավոր[2]։
- Աստված մեզ պարգևում է ազգականներ, իսկ բարեկամներին, փառք աստծո, մենք ինքներս ենք ընտրում[2]։
- Երբ ձեռք բերես նոր բարեկամներ, մի՛ մոռացիր հներին[3]։
- Մեկ թշնամին շատ է, հազար բարեկամը՝ քիչ[3]։
- Ով բարեկամ չի որոնում, նա ինքն է հենց իր թշնամին[3]։
- Կեղծ բարեկամները արևու ժամացույցի կնմանին. երբ օրը պայծառ է, կտեսնվին, երբ ամպոտ է, չեն տեսնվի[3]։
- Քեզ համար բարեկամ ընտրիր. միայնակ չես կարող երջանիկ լինել, երջանկությունը մեկ մարդու գործ չէ[3]։
- Բարեկամների միակ կապը հավատարմություն ն է[3]։
- Բարեկամներ գտիր առանց շտապելու, իսկ գտածներին մի՛ կորցրու[3]։
- Բարեկամիդ կշտամբիր մեկուսի, գովաբանիր հրապարակավ[3]։
- Բարեկամներիդ հետ եղիր սրտաբաց, կարիքներիդ մեջ՝ չափավոր և արարքներիդ մեջ անշահախնդիր[3]։
- Հարաբերություններում անկեղծություն, վարվեցողության մեջ ճշմարտացիություն. ահա բարեկամությունը[3]։
- Բարեկամությունն ավարտվում է այնտեղ, որտեղ սկսվում է անվստահությունը[3]։
- Չի կարող բարեկամություն լինել այնտեղ, որտեղ ազատություն չկա[4]։
- Աշխարհում բարեկամությունից ավելի լավ և ավելի հաճելի բան չկա։ Առանց դրա աշխարհն ասես կզրկվեր արևից[4]։
- Բարեկամ ընտրիր առանց շտապելու, էլ ավելի քիչ աճապարիր նրան փոխելիս[4]։
- Ինչքան ընկեր քիչ ունենաս, այնքան լավ,
- Ինչքան մարդկանց քիչ մոտենաս-այնքան լավ,
- Ում այս կյանքում քո բարեկամն ես կարծում,
- Նա է քո դեմ, կույր մի լինի, նյութում դավ[5]։
Աղբյուրներ
[խմբագրել]- ↑ 1,0 1,1 1,2 1,3 1,4 1,5 1,6 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 104։
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 105։
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 106։
- ↑ 4,0 4,1 4,2 4,3 4,4 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 107։
- ↑ Օմար Խայամ, Քառյակներ, Երևան, «Նաիրի», 1993