Մարդ

Վիքիքաղվածք-ից
Մարդն իր մոտիկ կենսաբանական բարեկամի՝ շիմպանզեի հետ

Քաղվածքներ[խմբագրել]

  • Ոչ մի պաշտոն կամ կոչում չկա, որ հավասար լինի և կարելի լինի համեմատել մարդ կոչումի հետ[1]։
Հովհաննես Թումանյան
  • Այո՛, մարդ-տիեզերական մարմինը մի եզակի ու անկրկնելի երևույթ է տիեզերքում, իր մենության ու միայնակության մեջ ապշեցուցիչ մի առեղծված։ Ու, թերևս, տիեզերական «կարմիր գրքում» գրանցվելիք մի արժեք՝ ինքնաոչնչացման եզր հասցված...[2]
Գրիգոր Գուրզադյան
  • Մարդս մեկ անգամ է աշխարհ գալիս. էնպես պետք է անի, որ անունը հիշվի[3]։
Խաչատուր Աբովյան
  • Մարդն իր բնույթով հասարակական էակ է[3]։
Արիստոտել
  • Չափազանց շատ ուրախություն ճաշակող մարդիկ անխուսափելիորեն բթանում են[3]։
  • Իսկապես ուժեղ մարդն ընդունում է իր թուլությունները[3]։
  • Մեծ մարդիկ ուտելու մեջ միշտ չափավոր են[3]։
Օնորե դը Բալզակ
  • Մարդը հարուստ է կամ աղքատ է ոչ թե իր ունեցվածքով, այլ իր ներքին բովանդակությանբ[3]։
Հենրի Բիչեր
  • Ամենից կարևորը մարդկանց մտածել սովորեցնելն է[3]։
Բերթոլդ Բրեխտ
  • Մարդը միայն մարդկանց մեջ կարող է ճանաչել իրեն[3]։
  • Մարդը ինքն իրեն ճանաչում է միայն այն չափով, ինչ չափով նա ճանաչում է աշխարհը[3]։
  • Ով իր մասին մեծ կարծիք չունի, նա ավելի լավն է, քան ինքը կարծում է[3]։
  • Չնայած իրենց բոլոր թերություններին, մարդիկ ամենից շատ արժանի են սիրո[3]։
  • Սարսափելի է նա, ով արդեն կորցնելու բան չունի[3]։
  • Մարդուն հատուկ է վատաբանել այն, ինչին ինքն անընդունակ է[3]։
  • Ոչ ոք չի կարող դատել ուրիշներին, քանի դեռ չի սովորել դատել իրեն[4]։
Վոլֆգանգ Գյոթե
  • Մարդը մյուս բոլոր արարածներից տարբերվում է ծիծաղելու ունակությամբ[4]։
  • Մարդը մահկանացու է, ժողովուրդը՝ անմահ[4]։
Մաքսիմ Գորկի
  • Եթե մարդկությունը գոյություն չունենար, ամեն ինչ անկատար կլիներ[4]։
  • Եթե կա մարդը, ապա դա ծիծաղող էակ է, և եթե կա ծիծաղող էակ, ապա դա մարդն է[4]։
Դավիթ Անհաղթ
  • Մարդը ծնվում է հասարակության մեջ[4]։
Դենի Դիդրո
  • Մարդուն հարկավոր է գնահատել ոչ միայն նրա գործերով, այլ նաև նրա ձգտումներով[4]։
Դեմոկրիտ
Հովհաննես Երզնկացի
  • Ամենահամարձակ մարդը վախկոտ է դառնում, եթե հաստատուն հայացքներ չունի[4]։
Էժեն Դելակրուա
  • Իսկական ազնիվ մարդը պետք է իրենից գերադասի ընտանիքը, ընտանիքից՝ հայրենիքը, հայրենիքից՝ մարդկությունը[4]։
Ժան Դալամբեր
  • Մարդիկ կան, որոնք չարության համար ծնված են, ինչպես օձն ու կարիճը թունավորելու համար[1]։
Թորոս Թորամանյան
  • Այն մեծ մտքից, որ մարդ եմ ես, վեհանում է միշտ հոգիս[1]։
Վասիլի Ժուկովսկի
  • Մարդը կատարելագործված գազան է[1]։
  • Եթե ամեն մարդ մարդ դառնա, արար աշխարհը վարդ կդառնա[1]։
  • Ծանոթ շները չեն հաչում վրադ, ծանոթ մարդիկ են հաչում քո վրա[1]։
  • «Մարդ այնքան մեծ է, ինչքան որ նա ընդունակ է ուրիշներին սիրելու։
    Երբ սիրում ես քո ընկերին, ավելի մեծ ես, քան եթե սիրես միայն քեզ՝ միայն քո ես-ը։
    Երբ սիրում ես մի ամբողջ ժողովուրդ, ավելի մեծ ես, քան եթե սիրես միայն ընկերիդ։
    Մարդկությունը սիրիր ― մարդկության չափ մեծ կլինես։
    Տիեզերքը սիրիր ― տիեզերքի չափ մեծ կլինես։»
Ավետիք Իսահակյան
  • Ո՛չ հզորը պիտի պարծենա իր հզորությամբ, ո՛չ մեծը՝ իր մեծությամբ և ո՛չ էլ իմաստունը՝ իր իմաստությամբ[1]։
Արիստակես Լաստիվերտցի
  • Մարդու իսկական էությունը ապրելն է, այլ ոչ թե գոյություն ունենալը[1]։
Ջեկ Լոնդոն
  • Այն մարդիկ, որոնք երբեք ժամանակ չունեն, սովորաբար ոչինչ չեն անում[1]։
  • Մարդն ընկերություն է սիրում, թեկուզ դա լինի միայն վառվող մոմի հետ[1]։
  • Ինչպիսին մարդիկ են, այնպիսին էլ նրանց գրքերն են[1]։
  • Որոշ մարդկանց համար խելացի մարդն ավելի գարշելի էակ է, քան ամենաանուղղելի սրիկան[1]։
Գեորգ Լիխտենբերգ
  • Ես քեզ մի բան կարող եմ ասել. եթե ուզում ես մարդուն ճանաչել ինչպես որ հարկն է, պետք է գոնե մեկ անգամ վիճել նրա հետ։ Միայն այդ ժամանակ կարելի է դատել նրա մասին[5]։
Աննա Ֆրանկ
  • Բնությունը ստեղծում է մարդուն, որպեսզի մարդու միջոցով տեսնի իրեն, սքանչանա իրենով։ Մարդը բնություն է, բնությունը՝ մարդ։ Մահ գոյություն չունի։
  • Բնության ամենահրաշալի ստեղծագործությունը մարդն է։
  • Մարդ ինքը պիտի սովորի, պիտի տեսնի, ճանաչի, սիրի, տեսնի իրեն ու անկեղծ լինի։ Իսկ սովորել պետք է բնությունից։ Նրանից մեծ ուսուցիչ չկա։
Ավետիք Իսահակյան
  • Մարդը իր ծննդյան համար պատասխանատու լինել չի կարող, իհարկե, բայց գիտակցական կյանքի, իր ապրած օրերի բարոյական արդյունքի համար պատասխանատու է անպայման[6]։
Գևորգ Աբաջյան
  • Կա մարդ, որ հազար արժե, հազար էլ կա, որ մեկ չարժե։ Այն մեկը, որ հազար արժե, տգետի համար մեկ կոպեկ էլ չարժե[7]։
Հովհաննես Երզնկացի
  • Կատարյալ մարդ կլինես, երբ սկսես ուսուցանել,
Երբ ոխը սրտիցդ հանես և ատելուն սրտով սիրես[8]։
Մկրտիչ Նաղաշ
  • Լավ մարդը նա է, ով ինչպես եկել է, այնպես էլ կգնա[9]։
Նաղաշ Հովնաթան
  • Մարդ լինել շանակում է պատասխանատու լինել։ Նշանակում է քեզ անհարմար զգալ, երբ բախվում ես աղքատությանը, նույնիսկ այն դեպքում, երբ թվում է՝ քեզնից ոչինչ կախված չէ։ Հպարտանալ ընկերներիդ տարած հաղթանակով։ Ու ամեն անգամ քո քարը դնելիս զգալ, որ նպաստել ես աշխարհի կառուցմանը[10]։
Անտուան դը Սենտ-Էքզյուպերի
  • Փախի՛ր, ո՛վ մարդ․․․ մարդն է գալիս[11]։
Սեյրան Գրիգորյան

Տես նաև[խմբագրել]

Աղբյուրներ[խմբագրել]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Ասույթներ, հավաքեց և կազմեց Սուրեն Գրիգորյանը, Երևան, 2009, էջ 263։
  2. Ալբերտ Միքայելյան և Միքայել Մարդումյան, ed (2002). Մտքի Հրավառություն. Զանգակ-97 հրատարակչություն. էջ 199. ISBN 99930-2-263-2. 
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 Ասույթներ, հավաքեց և կազմեց Սուրեն Գրիգորյանը, Երևան, 2009, էջ 261։
  4. 4,00 4,01 4,02 4,03 4,04 4,05 4,06 4,07 4,08 4,09 Ասույթներ, հավաքեց և կազմեց Սուրեն Գրիգորյանը, Երևան, 2009, էջ 262։
  5. http://grqamol.am/mejberumner-grqeric/anna-frank-anna-franki-oragiry/
  6. Գևորգ Աբաջյան, Արտիստը ինչպես տեսա։ Հուշեր։ Երևան։ Սովետական գրող, 1986, էջ 73
  7. Թևավոր խոսքեր, Երևան, «Խորհրդային գրող», 1989, էջ 46
  8. Թևավոր խոսքեր, Երևան, «Խորհրդային գրող», 1989, էջ 55
  9. Թևավոր Խոսքեր, «Խորհրդային գրող», Երևան 1989, 113 էջ
  10. Անտուան դը Սենտ-Էքզյուպերի «Մարդկանց երկիրը» grqamol.am կայքում
  11. «Փախի՛ր, ո՛վ մարդ․․․ մարդն է գալիս»