Բնություն

Վիքիքաղվածք-ից
Հաղարծինի բնությունը

Աղբյուրով[խմբագրել]

Դավիթ Անհաղթ[խմբագրել]

  • Բնությունը հավիտենական մտածումի արտահայտությունն է ժամանակի մեջ:[1]

Օգյուստ Ռենուար[խմբագրել]

  • «Ծառի տերևներ... Հավաքեցեք հարյուր հազար տերևներ միևնույն ծառից և կհամոզվեք, որ ոչ մեկը չի նույնանա մյուսի հետ:
Այս է բնության հնչեղությունը:
Ահա սյունը... եթե այն պատրաստեք անսահման ճշտությամբ, կարկինի ամենաճիշտ պտույտով, նա անպայման անկյանք կթվա:
Արվեստագետը պետք է կարողանա սովորել բնության օրենքները: Արվեստագետը պետք է հավատա ինքն իրեն և խորհրդակցի միմիայն ամենաճիշտ ուսուցչի՝ բնության հետ:»[2]

Րիչարդ Ֆայնմեն[խմբագրել]

  • Ֆիզիկան ուրիշ ոչ մի լեզվի չի կարելի թարգմանել. եթե դուք ցանկանում եք ճանաչել բնությունը, գնահատել նրա գեղեցկությունը, ապա պետք է հասկանաք այն լեզուն, որով բնությունը խոսում է:[3]

Անտուան Լավուազիե[խմբագրել]

  • Բնության մեջ ոչինչ չի մեռնում, ոչինչ չի ծնվում, այլ ամեն ինչ փոփոխվում է:[4]

Ստիվեն Հոկինգ[խմբագրել]

  • Շատ մարդիկ կպնդեն թե սահմանական պայմանները ֆիզիկայի մաս չեն կազմում, բայց պատկանում են բնազանցության կամ կրոնին: Նրանք կպնդեն թե բնությունը ամենայն ազատություն ուներ՝ աշխարհը սկսելու ոնց որ կկամենար: Դա կարող է ճիշտ լինի, բայց նա նաև կարող էր դրան պատճառել, որ մի բոլորովին անկանոն ու պատահական ձևով զարգանա: Բայց բոլոր ապացույցն այն է, որ նա զարգանում է մի կանոնավոր ձևով և որոշ օրենքների համաձայն: Դրա համար խոհեմ կթվար ենթադրել թե սահմանական պայմաններն էլ են օրենքներով կառավարվում:
    • "Աշխարհի Քվանտ Վիճակը", Միջուկային Ֆիզիկա (1984)

Հենրիխ Հայնե[խմբագրել]

  • Միտքը անտեսանելի բնությունն է, բնությունը՝ անտեսանելի միտքը:[5]

Լիոն Ֆեյխտվանգեր[խմբագրել]

  • Պատմությունը, ինչպես և բնությունը, ունի իր օրենքները:[6]

Ջեկ Լոնդոն[խմբագրել]

  • Թանգարանում ես ձեռք բերում սերը գեղանկարչության հանդեպ, որ բնությունը միայնակ կարող է անել: Ոչ թե հիանալի բնության կտորի առաջ են ինքն իրեն ասում «ես նկարիչ կդառնամ», այլ կտորի առջև:[7]

Առանց աղբյուրի[խմբագրել]

Մարտիրոս Սարյան[խմբագրել]

  • Բնությունը ստեղծում է մարդուն, որպեսզի մարդու միջոցով տեսնի իրեն, սքանչանա իրենով: Մարդը բնություն է, բնությունը` մարդ։ Մահ գոյություն չունի:
  • Բնության ամենահրաշալի ստեղծագործությունը մարդն է:
  • Մարդ ինքը պիտի սովորի, պիտի տեսնի, ճանաչի, սիրի, տեսնի իրեն ու անկեղծ լինի: Իսկ սովորել պետք է բնությունից։ Նրանից մեծ ուսուցիչ չկա:

Ավետիք Իսահակյան[խմբագրել]

  • Մարդ պետք է բնության մեջ ապրի, բնությունն զգա․․․
  • Զարմանալի հրաշք է հողը, հողի ուժը անսպառելի է․․․
    Բնության մեջ մարդ իրեն բազմապատկված կզգա․․․

Ֆրենսիս Բեկոն[խմբագրել]

  • Յուրաքանչյուր մարդու մեջ բնությունը դրևորվում է կամ որպես հատիկաբույսեր, կամ որպես մոլախոտ, ուրեմն նա թող ժամանակին ջրի առաջինը և ոչնչացնի երկրորդը:

Մկրտիչ Կորյուն[խմբագրել]

  • Մայր բնության մեջ նույնիկս մի փերի
Չկա անթերի։

Աղբյուրներ[խմբագրել]

  1. (2001) Ա.Մ. Մանուկյան և Մ.Մ. Մանուկյան՝ Դաստիարակչական Մտքերի Հայկական Գանձարան։ Զանգակ-97 հրատարակչություն, 133։ ISBN 99930-2-276-4։ 
  2. (1974) Փառանձեմ Վարդունի՝ Մտերիմ Խոսքեր։ «Հայաստան» Հրատարակչություն, 146։ 
  3. (2006) Սուրեն Գրիգորյան՝ Ասույթներ։ «Լուսաբաց հրատարակչատուն», 193։ 
  4. (2006) Սուրեն Գրիգորյան՝ Ասույթներ։ «Լուսաբաց հրատարակչատուն», 54։ 
  5. (2006) Սուրեն Գրիգորյան՝ Ասույթներ։ «Լուսաբաց հրատարակչատուն», 276։ 
  6. (2006) Սուրեն Գրիգորյան՝ Ասույթներ։ «Լուսաբաց հրատարակչատուն», 156։ 
  7. (1974) Փառանձեմ Վարդունի՝ Մտերիմ Խոսքեր։ «Հայաստան» Հրատարակչություն, 150։