Իմաստություն

Վիքիքաղվածք-ից
«Իմաստություն», Պիետրո Բարատա

Իմաստություն, կյանքի, իրերի ու երևույթների բարձր ճանաչողություն, բարձրագույն գիտություն[1]։

Քաղվածքներ[խմբագրել]

  • Բարձրագույն իմաստությունն ինքն իրեն ճանաչելն է[2]։
Գալիլեյ
  • Իմաստությունը լոկ ճշմարտության մեջ է[2]։
  • Ամենաիմաստուն մարդը նա է, ում ամենից շատ վրդովում է ժամանակի կորուստը[2]։
Յոհան Վոլֆգանգ ֆոն Գյոթե
  • Առանց քաջության իմաստությունն ամուլ է[2]։
Բալթասար Գրասիան
  • Իմաստությունը ոչ այլ ինչ է, եթե ոչ գիտություն երջանկության մասին[3]։
Դենի Դիդրո
  • Իմաստությունից բխում են հետևյալ երեք առանձնահատկությունները. ճիշտ վճիռներ կայացնել, անսխալ խոսել և անել այն, ինչ հարկավոր է[3]։
Դեմոկրիտես
  • Ինչպես որ սեղանն է անօգուտ առանց հացի, այդպես էլ մեծությունն է անօգուտ առանց իմաստության[3]։
Հովհաննես Երզնկացի
  • Սովորականի մեջ հրաշալին տեսնելու ընդունակությունը իմաստության անփոփոխ նշանն է[3]։
Ռալֆ Էմերսոն
  • Ամենաիմաստունը ասույթների առատ պաշար ունի[3]։
Թեոկրիտոս
  • Իմաստունը նա չէ, ով շատ գիտի, այլ նա, ում գիտելիքներն օգտակար են[3]։
Էսքիլես
  • Խոհեմ իմաստությամբ կարելի է հաղթել մեծ զորությանը[3]։
Մովսես Խորենացի
  • Իմաստությունը հոգու համար նույնն է, ինչ առողջությունը մարմնի համար[3]։
Լարոշֆուկո
  • Լինել իմաստուն, նշանակում է ճանաչել մարդկանց[3]։
  • Իմաստունը պարտավոր է լինել սիրալիր, բարեհամբույր, քաղաքավարի, զուսպ ու մեղմ[3]։
Կոնֆուցիոս
  • Իմաստուն մարդը տարիք է առնում, բայց չի ծերանում[3]։
Վիկտոր Հյուգո
  • Իմաստության առաջին պայմանը անխոհեմությունից ձերբազատվելն է[3]։
Հորացիոս
  • Իմաստություն կա հիմարի խոսքում,
Իսկ շատ խելոքներ հիմար են կյանքում[4]։
Ուիլյամ Շեքսպիր
  • Իմաստության մեջ ծանրակշռություն կա, իսկ բուն ծանրակշռության մեջ ոչ մի իմաստություն չկա[4]։
Հենրի Շոու
  • Կացինը կոթից ավելի իմաստուն է[4]։
Կլավդիոս
  • Ամենայն իմաստության հիմքը համբերությունն է[4]։
Պլատոն
  • Ավելի լավ է խելք և իմաստություն ունենալ, քան փառք ու հարստություն[4]։
Սոլոն
  • Ճանաչել իմաստություն և խրատ, իմանալ հանճարի խոսքերը[4]։
  • Իմաստությունը շնորհ է, հիմարությունը՝ մեղք[4]։
  • Իմաստուն մարդը հիմարի հետ վիճելիս ոչ թե պիտի բարկանա, այլ ծիծաղի[4]։
  • Իմաստունների հետ ընկերություն անողը ինքն էլ իմաստուն կդառնա, իսկ տխմարների հետ ընկերացողը կտխմարանա[4]։
Սողոմոն Իմաստուն
  • Օգտվեք, բայց մի՛ չարաշահեք, այդպիսին է կանոնն իմաստության[4]։
Վոլտեր
  • Իմաստուն լինելու արվեստն այն է, որ կարողանաս իմանալ, թե ինչի վրա չպետք է ուշադրություն դարձնել[4]։
Ջեյմս Ուիլյան
  • Իմաստությունը հիմնվում է երեք բանի վրա. հարկավոր է շատ տեսնել, շատ սովորել և շատ տառապել[4]։
Նիկոլո Ֆոսկոլո
  • Մի՛ գովիր մարդու տեսքը կամ անթիվ անցավոր գանձերը, այլ գովիր մարդու խելքը, իմաստությունը, հանճարը, գործերը[5]։
  • Մեկ աղքատ իմաստունն ավելի լավ է, քան հազար տգետ հարուստը[5]։
  • Աշխարհումն իմաստությունն ավելի լավ է, քան անցավոր հարստությունը[5]։
Ֆրիկ
  • Մեր իմաստության աղբյուրը մեր փորձն է։ Մեր փորձի աղբյուրը մեր հիմարությունն է[6]։
Սախա Գիտրի
  • Իմաստուն է նա,ով գիտի օգտակարը,այլ ոչ շատը[6]։
Քին Խաբբարդ
  • Բարոյականությունը ժամանակավոր է, իսկ իմաստությունը հավետ է[6]։
Թոմսոն
  • Իմաստությունը երկրի ու երկնքի թագուհին է[6]։
Սոկրատես
  • Իմաստությունն ամենաճշգրիտն է բոլոր գիտությունների մեջ[6]։
Արիստոտել
  • Միամիտները երբեք չեն ներում և մոռանում,միամիտները ներում և մոռանում են,իսկ իմաստունները ներում,սակայն չեն մոռանում[6]։
Թ. Սաս
  • Ձգտիր իմաստության, այլ ոչ թե գիտելիքներին։ Գիտելիքներն անցյալն են, իսկ իմաստությունն ապագան[6]։
Հնդիկ առաջնորդ

Ծանոթագրություններ[խմբագրել]

  1. Ժամանակակից հայոց լեզվի բացատրական բառարան, Հրաչյա Աճառյանի անվան լեզվի ինստիտուտ, Հայկական ՍՍՀ Գիտությունների Ակադեմիայի Հրատարակչություն, Երևան, 1972։
  2. 2,0 2,1 2,2 2,3 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 177։
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 178։
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 179։
  5. 5,0 5,1 5,2 Ասույթներ, հավաքեց ու կազմեց Սուրեն Գրիգորյանը, Երևան, 2009, էջ 180։
  6. 6,0 6,1 6,2 6,3 6,4 6,5 6,6 [1]


Վիքիդարանի լոգոն
Վիքիդարանի լոգոն
Ընթերցե՛ք իմաստություն բառի բացատրությունը Հայերեն Վիքիբառարանում։