Վիքիքաղվածք:Նախագիծ/Օրվա քաղվածք/Ապրիլ

Այստեղ կարող եք առաջարկել օրվա քաղվածքի թեկնածուներ։ Նախընտրությունը տրվում է տվյալ օրվա հետ առնչություն ունեցող քաղվածքին, օրինակ՝ քաղվածքի հեղինակը ծնվել է այդ օրը կամ քաղվածքում նկարագրվող իրադարձությունը այդ օրն է կատարվել, և այլն: Օգտագործման օրինակ.

{| style="background: {{{#000000}}}"

| align=center |[[Պատկեր:]]

| align=left | {{քաղվածքօր

| քաղվածք = Գեղեցկությունը կուտակված պաճուճանքի մեջ չէ, գեղեցկությունը պարզության մեջ է:

| հեղինակ = [[Նար-Դոս]] (ծնվել է [[1867]] թվականի մարտի 1-ին)

}}

| align=center | [[Պատկեր:Nar-Dos.jpeg|150px|right|]]

|}

Ապրիլի 1

• Օրերից մի օր յուրաքանչյուր երիտասարդ չափահաս դառնալուն պես իրավունք կունենա ավտոմատ կերպով փոխել իր անունը, որպեսզի հրաժարվի իր հիմարություններից ու կատակներից, որոնք արել և տարածել է երիտասարդ ժամանակ`տեղադրելով սոցիալական ցանցերում:

Էրիկ Շմիդտ

Ապրիլի 2

• Տգիտության մեջ անհնար է գտնել որևէ երջանկություն:

Էմիլ Զոլա (ծնվել է 1840 թվականի ապրիլի 2-ին)

Ապրիլի 3

• Անցյալում արդեն ոչինչ չի կարելի փոխել: Նշանակում է, այն` ինչ հիմա ինքը կիմանա, հավասարազոր կլինի դատավճռի, որը ենթակա չէ բեկանման, որովհետև այդ դատավճիռը կայացվել է անխիղճ դատավորի կողմից, որի անունն է` Ժամանակ…

«Այնտեղ, որտեղ ծաղկում են վայրի վարդեր. անատոլիական պատմություն», Մարկ Արեն

Ապրիլի 4

• Խաղաղության հասնում են լոկ այն դեպքում, եթե կարողանում են այն պարտադրել:

Ռեմի դե Գուրմոն (ծնվել է 1858 թվականի ապրիլի 4-ին)

Ապրիլի 5

• Պապականությունը ոչ այլ ինչ է, եթե ոչ անհետացած հռոմեական կայսրության թագադրված ուրվականը՝ նստած նրա շիրիմին:

Թոմաս Հոբս (ծնվել է 1588 թվականի ապրիլի 5-ին)

Ապրիլի 6

• Ազատութիւնը չեն տար, ազատութիւնը կը խլւի։

Լևոն Շանթ (ծնվել է 1869 թվականի ապրիլի 6-ին)

Ապրիլի 7

• Ինձ միշտ թվացել է, թե յուրաքանչյուր բեղմնավորում անարատ է, որ Աստվածամորը վերաբերող այդ դավանանքում արտահայտված է մայրության ընդհանուր գաղափարը:

Բորիս Պաստեռնակ (տես՝ «Մայր» հոդվածը)

Ապրիլի 8

• Ոչ մի նպատակ այնքան բարձր չէ, որպեսզի արդարացնի նրան հասնելու անազնիվ միջոցները:

Ալբերտ Այնշտայն («Նպատակ»)

Ապրիլի 9

• «Եթե Սերժ Սարգսյանը ապրիլի 9-ին կեղծ երդում տա, Եթե Սերժ Սարգսյանը և Վեհափառը պղծեն Աստվածաշունչը, դա իրենք կանեն իմ դիակի վրա»:

Րաֆֆի Հովհաննիսյան

Դեմ, գլխավոր էջում հայտնվելու համար այդքան էլ հարմար չէ: --Voskanyan (քննարկում) 14:54, 7 Հունվարի 2016 (UTC)

• Voskanyan, հարմար չի, ցանկացած ուրիշ տարբերակ առաջարկի...--6AND5 (քննարկում) 17:12, 7 Հունվարի 2016 (UTC)

Ուղղակի եթե անում եք, ես չեմ ուզում խառնվել, որովհետև իսկապես լավ քաղվածքներ են ընտրվում, իսկ սա հարմար չէ, որովհետև ընդհանրապես ասելիք չունի, ուղղակի մարդը ասել է: Եթե ժամանակի խնդիր կա, ես կարող եմ պատկերները դնել: Կամ ես էլ կարող եմ առաջարկել--Voskanyan (քննարկում) 18:48, 7 Հունվարի 2016 (UTC)

Արմենուհի ջան խառնվել կամ չխառնվելու խնդիր չկա: Ես ուղղակի հենց սկզբից ասել եմ, որ եթե որևէ մասնակից դեմ է որևէ քաղվածքի, ապա առաջարկում է այլընտրանքային տարբերակ:

Քանի խոսք է բացվել, ասեմ, որ բոլոր քաղվածքների դեպքում պատկերներ գտնելու գործընթացը բավական դժվար կլինի, քանի որ որոշների դեպքում հնարավոր է ընդհանրապես հարմար պատկեր չլինի, մյուսների դեպքում էլ կարող է պատկեր լինի, բայց ոչ ազատ, որը ըստ կանոնակարգի այլ տեղ չենք կարող օգտագործել: Դրա համար ես որպես լուծում պատկերացնում եմ երկու տարբերակ: Գլխավոր էջում թողնում ենք պատահական քաղվածքը, որպես ընտրյալ քաղվածքների բաժին, իսկ այս քաղվածքների համար առանձին բաժին ենք ստեղծում՝ առանց պատկերներ տեղադրելու: 2-րդ տարբերակի դեպքում պատահական ք.-ի բաժինը հանում ենք, սա ենք դնում՝ փոխարենը: Բայց պատկեր դնելը պարտադիր չի լինում, որի համար գտնում ենք դնում են, որի համար չենք գտնում՝ առանց պատկեր ենք դնում: Ինչ կասես այս հարցի շուրջ ?--6AND5 (քննարկում) 19:32, 7 Հունվարի 2016 (UTC)

Լավ կլինի, որ լինի միայն օրվա քաղվածքը: Իսկ նկարը պարտադիր չէ, չնայած կարելի է դնել նաև այլ նկար, պարտադիր չէ, որ դա հենց հեղինակը լինի:--Voskanyan (քննարկում) 05:00, 8 Հունվարի 2016 (UTC)

Արմենուհու առաջարկով այս մեկը կտեղադրենք.

• Ժողովրդի մեծությունը չի չափվում թվաքանակով, ինչպես որ մարդու մեծությունը չի չափվում նրա հասակով: Միակ չափանիշ է ծառայում նրա մտավոր զարգացումը և նրա բարոյական մակարդակը:

Վիկտոր Հյուգո

--6AND5 (քննարկում) 15:55, 11 Հունվարի 2016 (UTC)

Ապրիլի 10

• Ինչպես որ սատանան խոտորյալ հրեշտակ է, այնպես էլ ատելությունը այլասերված սեր է:

Հենրիկ Սենկևիչ («Ատելություն»)

Ապրիլի 11

• Իշխելու անսահման կարողությամբ օժտված է նա, ով հոգու խորքում համոզված է, որ ծնված է ուրիշներին կառավարելու համար:

Մոխրագույնի հիսուն երանգները

Ապրիլի 12

• Տիեզերանավում երկրագնդի շուրջ պտտվելիս ես տեսա որքան գեղեցիկ է մեր մոլորակը: Ժողովուրդ, թողեք պահպանենք և այս գեղեցկությունը շատացնենք, ո՛չ թե ոչնչացնենք:

Յուրի Գագարին (1961 թվականի ապրիլի 12-ին դարձավ առաջին մարդը, ով տիեզերանավով տիեզերական տարածություն մուտք գործեց)

Ապրիլի 13

• Չարագործությունները աճում են, երբ մենք ամաչում ենք դրանցից և ժխտում այն ընդունել. մենք սա գիտենք պատմությունից:

Գարրի Կասպարով (ծնվել է 1963 թվականի ապրիլի 13-ին)

Ապրիլի 14

• Երևի ամեն մեկը իր կյանքում մի փոքրիկ ճանապարհ պիտի պարտրաստի ու հարթեցնի՝ իր ճանապարհը:

Համո Սահյան (ծնվել է 1914 թվականի ապրիլի 14-ին)

Ապրիլի 15

• Հայաստանը ջերմություն և կենսականություն, ուժ, մի յուրահատուկ երջանկություն ու թախիծ ունի: Տխուր, սակայն չհաղթված:

Արշիլ Գորկի (ծնվել է 1904 թվականի ապրիլի 15-ին)

Ապրիլի 16

• Աշխատասեր ու ջանասեր լինել երիտասարդ հասակում՝ նշանակում է ձեռք բերել հաստատուն բնավորություն, որը նշանակում է հարատև ուշադրության և տոկունության համար անհրաժեշտ հատկություն և կամքի կորով: Իսկ դրանցով կարելի է հաղթահարել ամեն ինչ:

Սամվել Սմայլս (մահացել է 1904 թվականի ապրիլի 16-ին)

Ապրիլի 17

• Իբրև ողորմություն մի խնդրիր այն, ինչ կարող ես ուժով կամ խելքով ձեռք բերել:

Կարեն Դեմիրճյան (ծնվել է 1932 թվականի ապրիլի 17-ին)

Ապրիլի 18

• Պատմությունը կրկնվում է, դա նրա թերություններից մեկն է:

Կլարենս Դարոու (ծնվել է 1857 թվականի ապրիլի 18-ին)

Ապրիլի 19

• Ով կոպեկը գետնից չի բարձրացնում, նա ինքը կոպեկ չարժի:

Ալեքսանդր Մանթաշյանց (մահացել է 1911 թվականի ապրիլի 19-ին)

Ապրիլի 20

• Եթե գրելը, ի վերջո, հիվանդություն չդառնար, շատ գրագետներ գրիչնին փշրած՝ պիտի երթային գինեպան ըլլային:

Դանիել Վարուժան (ծնվել է 1884 թվականի ապրիլի 20-ին)

Ապրիլի 21

• Ինչո՞ւ էք վախենում մահից: Հողի համար ես հէնց հիմա պատրաստ եմ մեռնելու: Հողի, ազգի համար: Ես ոչ մի անգամ չեմ գնայ Երեւանի օդանաւակայանում իջնեմ, ասեմ՝ Գետաշէնը յանձնեցի: Ես այստեղ կը մեռնեմ, այդ բանը չեմ անի...

Թաթուլ Կրպեյան (ծնվել է 1965 թվականի ապրիլի 21-ին)

Ապրիլի 22

• Զրպարտությունն ավելի սարսափելի զենք է, քան սուսերը, քանի որ նրա հասցրած վերքն անբուժելի է:

Հենրի Ֆիլդինգ (ծնվել է 1707 թվականի ապրիլի 22-ին)

Ապրիլի 23

• Թուրքիայի կառավարությունը օգտագործում իր իշխանությունը և միլիոններ է ծախսում՝ պատմական ճշմարտությունը ժխտելու համար։ Իսկ ԱՄՆ-ը, տուրք տալով այդ ուժին, չի արտաբերում «ցեղասպանություն» բառը։ Նախագահ Բարաք Օբաման, երբ դեռ նախագահի թեկնածու էր, խոստացել էր ճանաչել Հայոց ցեղասպանությունը։ Այժմ երբ նա նախագահ է, այդ եզրույթը չկիրառելը երեսպաշտություն է:

Սերժ Թանկյան

Ապրիլի 24

• Այսօր արդեն Հայոց ցեղասպանության փաստն ապացուցված է: Այն այլևս պատմաբանների նոր փաստաթղթերի ոչ մի կարիք չունի` ի հեճուկս թուրքական կառավարության և դեսպան Իրթեմչելիկի հայտարարությունների: Բեռլինը` Առաջին համաշխարհային պատերազմում Թուրքիայի հովանավորն ու ամենամտերիմ դաշնակիցը, այս մասին գիտի ավելին, քան որևէ մեկը:

Ռոլֆ Հոսֆելդ (Հայոց ցեղասպանություն)

Ապրիլի 25

• Ես ավելի շուտ կգերադասեի պարտություն կրել կավալերներից, քան թե շոտլանդացիներից: Ես կգերադասեի ջախջախվել շոտլանդացիներից, քան թե իռլանդացիներից:

Օլիվեր Կրոմվել (ծնվել է 1599 թվականի ապրիլի 25-ին)

Ապրիլի 26

• Ամեն չարիքի մեջ բարիք կա, միայն պետք է իմաստություն ունենալ գտնելու այդ բարիքը:

Ուիլյամ Շեքսպիր (ծնվել է 1564 թվականի ապրիլի 26-ին)

Ապրիլի 27

• Եթե այնպիսի բան եք արել, որի մասին չպետք է ոչ ոք իմանա, ամենայն հավանականությամբ, դուք ընդհանրապես չպետք է դա անեիք:

Էրիկ Շմիդտ (ծնվել է 1955 թվականի ապրիլի 27-ին)

Ապրիլի 28

• Վա՜յ այն երկրին, որտեղ քաղաքացիներին ու գործերը կառավարում են ոչ թե օրենքները, այլ ենթակաները, պետերն ու դատարանները. նրանցից յուրաքանչյուրն իրեն համարում է բարձրագույն աստիճանի իմաստուն, և դրանից էլ «յոթ դայակների մանուկը մնում է առանց աչքի»:

Միխայիլ Կուտուզով (մահացել է 1813 թվականի ապրիլի 28-ին)

Ապրիլի 29

• Գոռոզությունը հպարտության ծաղրանկարն է:

Էռնստ ֆոն Ֆեյխտերսլեբեն (ծնվել է 1806 թվականի ապրիլի 29-ին)

Ապրիլի 30

• Ես այժմ Արևելք եմ ուղարկում իմ «մահվան ջոկատները», որոնց հրամայված է առանց խղճահարության ու ներողամտության սպանել լեհ ցեղին պատկանող և լեհերեն խոսող բոլոր տղամարդկանց, կանանց ու երեխաներին։ Միայն այս ճանապարհով մենք կշահենք այն կենսական տարածքը, որ մեզ անհրաժեշտ է:

Ադոլֆ Հիտլեր (ըստ ընդունված վարկածի ինքնսպան է եղել 1945 թվականի ապրիլի 30-ին)