Աշխատանք

Մեխանիկը՝ գործելուց

Աղբյուրով

Պլուտարքոս

• Նա, ով իր առողջությունը ուզում է փնտռել ոչ թե աշխատանքի, այլ անգործության մեջ, վարվում է ճիշտ այնպես հիմարաբար, ինչպես իր ձայնը լռությամբ կատարելագործել ցանկացողը:

Ղազարոս Աղայան

• Աշխատությունը բոլոր առաքինությունների մայրն է, ինչպես ծուլությունը ծնող է ամենայն մոլության: Անգործ մնացած հողի վրա բուսնում են ամեն տեսակի անպիտան խոտեր, իսկ մշակվող հողը, որը նպատակ ունի շատերին սնունդ տալու, զարդարվում է ամեն տեսակի բարիքով:

Ջեմս Միլլ

• Ծուլությունը հավասարապես նվաստացնում է թե՛ առանձին անհատների և թե ամբողջ ազգերի: Ծուլությունը ոչ մի ժամանակ ոչ մի լավ բան չի կատարել աշխարհում և երբեք չպիտի կատարի: Ծուլությունը երբեք չի բարձրացել երկնամերձ լեռները, երբեք չի էլ հաղթահարել որևէ խոչընդոտ: Դատարկության ու ծուլության հետևանքը միշտ եղել է ու կլինի դատարկությունն ու ձախողությունը: Ծուլությունը մի բեռ է խիստ ծանր, արգելք է և անչափ վնասակար: Դրան անձնատուր եղած մարդիկ միշտ անօգուտ են, միշտ տրտնջացող, միշտ վշտահար, հուսահատ ու միշտ թշվառ: Ծուլությունը, որքան աշխատանքի, այնքան էլ երջանկության թշնամին է:

Սամվել Սմայլս

• Աշխատանքը մեր գոյության օրենքն է, մարդկանց ու ազգերի առաջ տանող ամենամեծ սկզբունքը: Մարդկանց մեծամասության համար աշխատանքը անհրաժեշտ մի բան է, որից կախված է նրա կյանքը: Այսպես թե այնպես բոլորս էլ պարտավոր ենք աշխատել, որպեսզի արժանավայել կյանք վարենք:

• Աշխատանքը կարող է լինել մի ծանր բեռ ու պատուհաս, սակայն փառք ու պատիվ բերել մեզ: Առանց աշխատանքի ոչինչ չի կարելի ստեղծել: Մեր մեջ եղած ամեն ազնիվ ու լավ բան ստեղծվում է աշխատանքով: Եթե աշխատանքը ոչնչացվեր, բարոյական մահ կհասներ մարդկությանը:

• Աշխատանքը կարգապահության վարժեցնող մի միջոց լինելով, կարող է բնավորության կրթիչների շարքը դասվել: Աշխատանքը եթե անմիջական մի արդյունք էլ չտա, ավելի օգտակար է, քան դատարկությունը, քանի որ մարզում է մեր ձեռքերը, մեր միտքը, ուրեմն և մեզ՝ մարզում, պատրաստում է մի արգասավոր գործի համար: Աշխատանքի սովորությունը վարժեցնում է կարգապահության, ստիպուն է խնայել ժամանակը և իմաստաբար բաժանել այն:

• Աշխատանքը վարժեցնում է ուշադրության և ջանասիրության, հրահանգում է միտքը, տալիս է դրան միջոցներ, կամքին հաղորդում է ազատություն և ուրիշ հատկություններ, որոնք բոլորն էլ նպաստում են հաջողակ առաջ տանելու որևե գործ: Աշխատասեր ու ջանասեր լինել երիտասարդ հասակում՝ նշանակում է ձեռք բերել հաստատուն բնավորություն, որը նշանակում է հարատև ուշադրության և տոկունության համար անհրաժեշտ հատկություն և կամքի կորով: Իսկ դրանցով կարելի է հաղթահարել ամեն ինչ:

Վոլտեր

• Մարդու մեջ ինչ մեծություն կա, աշխատանքի գործն է, իսկ քաղաքակրթությունն էլ աշխատանքի պտուղն է:

• Աշխատանքի վեհությունը,-- ահա թե ամենից շատ ի՞նչն է ինձ հրապուրել աշխարհում:

• Աշխատանքը ամեն ինչ է. աշխատանքը և՛ արդարացում է, և՛ փրկություն:

• Ձանձրույթը աշխարհ է եկել ծուլության միջոցով:

• Մարդուն նկարագրող արդյունաշատ դաստիարակներից մեկը՝ աշխատությունն է:

Ռոմեն Ռոլան

• Աշխատանքը հաղթահարում է ոչ միայն հիվանդությունները, այլև ծերությունը:

• Շատ շարժվես, երկար կապրես:

• Ծանր է թիկունքի, թեթև՝ սրտի համար:

• Առանց աշխատանքի չկա հանգիստ:

Ջեկ Լոնդոն

• Ես հավատում եմ սիստեմատիկ աշխատանքի անհրաժեշտությանը և երբեք չեմ սպասուն ներշնչանքի: Բնավորությամբ ես ոչ միայն փնթի ու թափթփված մարդ էի, այլև մելամաղձոտ: Բայց իմ մեջ կարողացա հաղթահարել թե՛ մեկը և թե՛ մյուսը: Ինձ մոտ դրսևորվեց կարգապահությունը, որի անհրաժեշտությունը զգացել էի նավաստի եղած ժամանակ:

Գաղիանոս

• Աշխատանքը բնության բժիշկն է, որ անհրաժեշտ է մարդկային երջանկության:

Դմիտրի Մենդելեև

• Առանց բացառիկ աշխատասիրության չկան ո՛չ տաղանդներ, ո՛չ հանճարներ:

Նիզամի

• Աշխատանքի համար եկանք մենք աշխարհ,
  Եվ ոչ թե ճանճեր քշելու համար:

Էժեն Շևրել

• Աշխատանքը մինչև հարյուր տարի ապրելու արվեստի պարտադիր պայմնաններից մեկն է:

Վարազդատ Հարությունյան

• Անգործությունը մարդ է սպանում դարանակալած թշնամու նման:

Առանց աղբյուրի

Ֆրենսիս Բեկոն

• Երեխաներն աշխատանքը դարձնում են ուրախ, բայց նրանց պատճառով անհաջողությունները թվում են ավելի վշտացուցիչ․ երեխաների շնորհիվ կյանքը թվում է ավելի հաճելի, իսկ մահը՝ նվազ սարսափելի։

Ֆրիդրիխ Նիցշե

• Այժմ իմ մեջ Եվրոպայում ողջ բարոյական դատողության և աշխատանքի սայրն է։

• Կինն ու հանճարը չեն աշխատում։ Կինը ցայժմ եղել է մարդկության գերագույն շքեղությունը։ Այն բոլոր պահերին, երբ մենք մեր լավագույնն ենք անում, մենք չենք աշխատում։ Աշխատանքը սոսկ միջոց է, որը տանում է այդ պահերին։

Մարտիրոս Սարյան

• Իր աշխատանքով մարդ պետք է արդարացնի այն շնորհը, որ ստացել է բնությունից։

Դմիտրի Մենդելեև

• Ամեն ինչ ենթարկվում է միայն աշխատանքին, մարդու աշխատանքին․ այսպիսին է պատմության լոզունգը։

• Զրույցն ու խոսքերը հարկավոր են, բայց դրանք միայն սկիզբն են․ կյանքի ամբողջ էությունը գործերն են, խոսքից գործի անցնելու ունակությունը, դրանց համաձայնվածությունը։