Օշո

Վիքիքաղվածք-ից

Օշո (Բխագվան Շրի Ռաջնիշ, դեկտեմբերի 11, 1831 — հունվար 19, 1990), հինդու հոգևոր առաջնորդ, միստիկ, նեոհինդուիզմի ուսումնասիրող, Ռաջնիշային կրոնական և մշակութային ոգեշնչող։

Քաղվածքներ[խմբագրել]

  • Մարդիկ ամեն ինչ այնքան լուրջ են ընդունում, որ դա դառնում է նրանց համար բեռ։ Սովորեք ավելի շատ ծիծաղել։ Ըստ իս՝ ծիծաղն այնքան սուրբ է, որքան որ աղոթքը։
  • Ամեն մի գործողություն անհապաղ արդյունքի է հանգեցնում։ Պարզապես եղեք զգոն և հետևողական։ Հասուն է այն մարդը, ով հետևողական է իր նկատմամբ և հասկանում է, թե ինչն է իր համար վատ, ինչը՝ լավ, ինչը՝ ճիշտ և ինչը՝ սխալ։
  • Երբեք ոչ մեկին մի հարցրեք, թե որն է ճիշտ և որը սխալ։ Մենք բոլորս ինքնատիպ ենք։ Կյանքը փորձություն է, որի ընթացքում պետք է հասկանալ, թե որն է ճիշտ, և որը՝ սխալ։
  • Լինում են պահեր, երբ Աստված գալիս և թակում է Ձեր դուռը։ Հենց դա էլ սերն է. Աստված, ով թակում է Ձեր դուռը։ Աստված կարող է Ձեր դուռը թակել միլիոնավոր կերպարներով. տղամարդու, կնոջ, երեխայի, սիրո, ծաղկի, արևածագի կամ մայրամուտի տեսքով։
  • Յուրահատուկ լինելու ցանկությունը շատ սովորական ցանկություն է։ Հանգստանալ և լինել սովորական. այ դա իսկապես անսովոր ցանկություն է։
  • Կյանքը գաղտնիք է։ Այն չի կարելի կանխատեսել։ Սակայն կան մարդիկ, ովքեր կցանկանային ապրել կանխատեսելի կյանքով։ Այդ ժամանակ չէր լինի վախը։
  • Եթե ինչ-որ մեկը գա Ձեզ մոտ՝ դա լավ է ու հիասքանչ։ Եթե ոչ-ոք չգա, դա նույնպես լավ է ու հիասքանչ։ Մեկուսացեք։ Նախ և առաջ փորձեք հաճույք ստանալ ինքներդ Ձեզանից։
  • Եթե դու հարուստ ես, մի մտածիր դրա մասին, իսկ եթե աղքատ ես, սրտիդ մոտիկ մի ընդունիր։ Ընդունիր խաղը որպես խաղ և ուրախացիր դրանով։
  • Խիզախությունը շարժում է դեպի անհայտը, անկախ բոլոր վախերից։ Խիզախ և վախկոտ մարդու միջև տարբերությունն այն է, որ վախկոտ մարդը լսում է իր վախերը և ընթանում է դրանց ետևից, իսկ խիզախ մարդն անտեսում է դրանք և շարժվում առաջ։
  • Դուք փոխվում եք ամեն վայրկյան։ Դուք գետ եք։ Այսօր այն մի ուղղությամբ է շարժվում, վաղը հակառակ ուղղությամբ կընթանա։ Ես երբեք չեմ տեսել նույն երեսը երկու անգամ. այն միշտ փոփոխվում է։

Աղբյուրներ[խմբագրել]

Վիքիպեդիա
Վիքիպեդիա
Կարդացե՛ք Օշո հոդվածը նաև Վիքիպեդիայում: