Ստանիսլավ Եժի Լեց

Ստանիսլավ Լեցը

Ստանիսլավ Եժի Լեցը (լեհերեն՝ Stanisław Jerzy Lec) (մարտի 6, 1909 - մայիսի 7, 1966) հրեական ծագումով լեհացի բանաստեղծ է եղել:

Քաղվածքներ

• Իմացիր բառերի արժեքը, դրանցից ամեն մեկը քեզ համար վերջինը կարող է լինել:
• Լինում է այնպես, որ ուզում ես չապրել, բայց դա չի նշանակում, որ չես ուզում ապրել:
• Ախորժակը ուտելուց է գալիս, բայց սովի հետ չի գնում
• «Քրիստոսից հետո» ընկած ժամանակաշրջանը աթեիստները անվանում են «մեր թվարկություն»: Տարօրինակ է:
• Երանի, այնքան լոսղ ունենայինք, ինչքան ականջ դնողներ:
• Խեղճ Երկրագունդ, մեր բոլոր ստվերները նրա վրա են ընկնում:
• Ոչ ելանելի ենք մենք կոչում այն վիճակը, որից ելքը մեզ դուր չի գալիս:
• Անգրագետները ստիպված են թելադրել:
• Անքնությունը այն դարաշրջանների հիվանդությունն է, երբ մարդկանց հրամայում են շատ բաների վրա աչք փակել:
• Ճահիճը երբեմն խորության տպավորություն է թողնում:
• Մեծամասնությունը ունի որոշակի աշխարհայացք, որը որոշվում է փոքրամասնության կողմից:
• Իշխանության համար պայքարը հենց իշխանության հետ են տանում:
• Վախենում եմ հրեշտակներից՝ նրանք բարի են, կհամաձայնեն անգամ դևեր լինել:
• Վախենում եմ դատարկ հրացաններից՝ դրանցով գլուխներ են ջարդում:
• Զառանցա՞նք: Բայց նո՛ր:
• Գցիր առաջին քարը, հակառակ դեպքում քեզ նմանակող կկոչեն:
• Լինելով բարձունքին՝ դու անդունդի վրա ես գտնվում:
• Եղիր այլասեր՝ հարգիր այլոց եսասիրությունը
• Եթե մարդիք իսկապես մեծ լինեին, աշխարհում շատ տեղ կլիներ:
• Սրտի և գլխի միջև ընթացող պայքարում վերջիվերջո հաղթում է ստամոքսը:
• Հավատարմության մեջ կա մի քիչ ծուլություն, մի քիչ վախ, մի քիչ հագնածություն, մի քիչ պասիվություն, և երբեմն էլ մի քիչ հավատարմություն:
• Անգամ նրա լռության մեջ կային քերականական սխալներ:
• Իրականության մեջ ամեն ինչ այնպես չէ, ինչպես իրականում:
• Կախաղան բարձրացվածի տանը չեն խոսում պարանի մասին: Իսկ դահիճի՞ տանը:
• Մեծ ժամանակները կարող են իրենց մեջ պարփակել մեծ թվով փոքր մարդկանց:
• Մարդու մասին գիտելիքների գագաթը գաղտնի ոստիկանության արխիվն է:
• Արդյոք հավատո՞ւմ եմ ես Աստծուն: Չգիտես ինչու դրա մասին ինձ միշտ մարդիք են հարցնում, բայց Նա՝ երբեք:
• Հավերժությո՞ւն: Ժամանակի միավոր:
• Քո երազների տեսիլքները քո ափսեից են լափում:
• Իշխանությունը ավելի հաճախ ձեռքից ձեռք է անցնում, քան գլխից գլուխ:
• Ժամանակի մեխանիզմով իսկական ռումբի մեջ պայթուցիկը ժամանակն է:
• Ի սկզբանե խոսքն էր: Հետո եկավ լռությունը:
• Նրա մեջ զգացվում է մի մեծ դատարկություն, որը լի է բազմագիտակությամբ:
• Վտանգավոր ժամանակներում քո մեջ մի՛ պարփակվի: Այնտեղ քեզ անպայման կգտնեն:
• Քաղաքի մատակարարման ծրագրում նախատեսված են նաև անեկդոտներ: Այդ ուղղությամբ իշխանությունները ևս աշխատանք են տանում:
• Այնուամենայնիվ, կղկղանքի մեջ ինչ-որ բան կա՝ միլիոնավոր ճանճերը չեն կարող սխալվել:
• Լիլիպուտների երկրում պետության ղեկավարին թույլատրվում է նայել միայն խոշարացույցի միջով:
• Ամեն ինչում մեղավոր են հրեաները՝ նրանց Աստվածն է մեզ ստեղծել:
• Ճնճղուկը արծիվների համար նախատեսված վանդակում ազատ է:
• Հարություն առնել կարող են միայն մեռյալները, ողջերին դա ավելի դժվար է:
• Հարություն առնել առանց սպանողների համաձայնության՝ ինչպիսի՛ համարձակություն:
• Չգիտես ինչու վախկոտները երբեք չեն վախենում պառկել հերոսների համար նախատեսված գերեզմանոցում:
• Ո՞ւմ եմ ես հավատում: Աստծուն, եթե նա, իհարկե, գոյություն ունի:
• Բոլոր աստվածները անմահ էին:
• Բոլոր մեծ ողբերգություննները վերջ ունեն, բայց ո՞վ կարող է նստած մնալ մինչև դրանց վերջը:
• Միշտ կգտնվեն էսկիմոսներ, որոնք Կոնգոյի բնակիչների համար կանոններ կմշակեն, թե ինչպես պետք է վարվել շոգ եղանակի պայմաններում:
• Միշտ հետևիր կողմնացույցի սլաքին՝ այն գիտի երբ տատանվել:
• Ամբողջ կյանք կարելի է գնալ նպատակին միայն այն դեպքում, եթե այն մշտապես հեռանում է:
• Ամեն ինչ պատրանք է: Իհարկե նաև նախորդ նախադասությունը:
• Բոլորը բարիք են ուզում: Մի տվեք այն:
• Ամեն ինչ մարդու ձեռքերում է: Այդ պատճառով էլ դրանք պետք է հաճախակի լվանալ:
• Աշխարհի բոլոր կապանքները մի շղթա են կազմում:
• Հանուն մարդու պետք է զոհաբերել ամեն ինչ, միայն թե ոչ այլ մարդկանց:
• Կարծում եք հեղինակը ինչ-որ բանի՞ է հասել: Այո, նա նվազեցրել է ընդհանուր մակարդակը:
• Որտեղ արգելված է ծիծաղել, այնտեղ որպես կանոն թույլ չեն տալիս և լացել:
• Հիմարությունը չի ազատում մտածելու անհրաժեշտությունից:
• Ասում են ատամները կորցրածի մոտ լեզուն ավելի ազատ է:
• Ավելի լավ է ոչ թե հավատալ մարդուն, այլ վստահություն տածել նրա նկատմամբ:
• Հպարտորեն իրենց կրծքի վրա էին կրում պիտակները այն գնով, որոնցով նրանց չի կարելի առնել:
• Լույսի և խավարի միջև սահմանը դո՜ւ ես:
• Մեղքերն էլ են դասակարգվում ըստ տարբեր ծեսերի:
• Տխուր է, երբ ողնաշարը ուղղվում է միայն խաչի վրա:
• Հումանիզմը կվերապրի մարդկային սերունդը:
• Անգամ մարգարեի մորուքը կարելի է սափրել:
• Անգամ գահի վրա էլ է շալվարը մաշվում:
• Եթե անգամ կովին կակաո տաս, շոկոլադ չես կթի:
• Անգամ երազանքից կարելի է մուրաբա սարքել, եթե դրա մեջ միրգ ու շաքար ավելացնես:
• Փողը հոտ չունի, սակայն ցնդում է:
• Կղկղանքով կարելի է հետաքրքրվել միայն մի դեպքում՝ եթե այն պարարտանյութ է:
• Ձիերի և սիրահարների համար խարադեզը տարբեր է բուրում:
• Մտածողության համար ուղեղ է պետք, էլ չասենք՝ մարդ:
• Հատակ չկա: Պարզապես ավելի խոր գնալ թույլ չեն տալիս:
• Խորը մտքի հասնելու համար պետք է բարձրանալ:
• Դոգմաները առաջընթացի երաշխիք են՝ դրանց մեկնաբանելը վտանգավոր է, ստիպված ես լինում ոչնչացնել:
• Արդյոք պե՞տք է արվեստը հասկանալի լինի: Այո, բայց միայն նրանց համար, ում այն հասցեագրված է:
• Արդյո՞ք մարդիք պետք է պողպատից լինեն: Ինձ երբեմն թվում է, որ ավելի լավ կլինի, եթե նրանք միս ու արյուն ունենան:
• Դոն Կիխոտնե՜ր, գրոհեք հողմաղացները միմիայն համընթաց քամու դեպքում:
• Ճանապարհային նշանները կարող են մայրուղին լաբիրինթոսի վերածել:
• Ամբաստանագիր՝ esse homo:
• Հիմար՝ մի մարդ, որը իրեն ինձանից ավելի խելոք է համարում:
• Սատանան նենգ է՝ նա կարող է մեզ հայտնվել պարզապես հենց սատանայի տեսքն ընդունած:
• Դևերը կազմված են անկյալ հրեշտակներից և ինքնառաջադրված մարդկանցից:
• Եթե քավության նոխազին հնարավոր լիներ նաև կթել...
• Եթե հայտարարես, որ սրբեր չկան, կնեղանան անգամ աթեիստները:
• Եթե մարդը քո համար թափանցիկ է, ապա գիտես, թե ով է կանգնած նրա հետևում:
• Եթե բղավում են «Կեցցե՜ առաջընթացը», միշտ հարցրու. «Ինչի՞ առաջընթացը»:
• Եթե մարդակերը պատառաքաղ և դանակ է օգտագործում, դա առաջընթա՞ց է:
• Եթե չես կարող փոխել իրավիճակը, փոխիր քո կողմից դրա ընկալումը:
• Կան թատերգություններ, որոնք այնքան թույլ են, որ ի վիճակի չեն անգամ դուրս գալ բեմից:
• Եթե աշխարհին աչքերը կկոցելով ես նայում, ապա ավելի հեշտ է թաքցնել արցունքները:
• Եթե պատմությունից հանես ամբողջ սուտը, ապա դա չի նշանակում որ միայն ճշմարտությունը կմնա: Արդյունքում կարող է ընդհանրապես ոչինչ չմնալ:
• Եթե բերանդ ջուր ես լցրել, ապա գոնե հետո ոչ մեկին թուք ու մուր մի՜տուր:
• Եթե ես նախկինում իմանայի, ինչ որ գիտեմ հիմա, ես դա չէի իմանա։
• Դահիճի բաղձալի երազանքը` մահապարտի կոմպլիմենտը մահապատժի գերազանց որակի համար։
• Եվ ոգու կաստրատները բարձր նոտաներ են վերցնում։
• Եվ այծին էլ սատանայի տեղ կդնեին, եթե նրա մեջ ինչ–որ մարդկային բան լիներ։
• Խղճի նկատմամբ բռնությունն ելն է զրկում կուսությունից։
• «Մեկ խաչից կարելի է պատրաստել երկու կախաղան», - քամահրանքով ասաց մասնագետը։
• Մեկ համակարգից մենք դեռ երկար ժամանակ դուրս չենք գա` Արեգակնային։
• Համեստորեն իրեն գրամոլ էր համարում, բայց իրականում մատնագիր էր։
• Երբեմն պետք է լռել, որպեսզի քեզ լսեն։
• Երբեմն այնքան աղբ է կուտակվում, որ այն դեն նետելը շռայլություն է թվում։
• Երբեմն երգիծանքը ստիպված է լինում վերականգնել այն, ինչ ոչնչացրել է պաթոսը։
• Երբեմն երգիծաբանը հուսահատության մեջ է ընկնում` նրան չի հաջողվում ավելի ծիծաղաշարժ լինել, քան ուրիշների պաթոսը։
• Ապագայի աչքերին նայել վախեցող մարդկանցից ոմանք անգիտակ են, որ ապագան կարող է նրանց հետույք ցույց տալ։
• Իրականություն են դառնում մեր ամենհամարձակ երազանքները։ Այժմ հերթը հասել է ոչ համարձակներին։
• Ճշմարտությունը սովորաբար մեջտեղում է ընկած։ Հաճախ առանց տապանաքարի։
• Հուդաներն էլ սովորեցին խաչ կրել։
• Յուրաքանչյուր ցախավել աստիճանաբար ինքն իրեն ավլվում է։
• Յուրաքանչյուր դար ունի իր միջնադարը։
• Յուրաքանչյուրը ծնվում է գահի համար պիտանի հետույքով։
• Եթե հնարավոր է անցնել դժոխքի միջով, ուրեմն, ըստ երևույթին, դժոխքում ելումուտ կա։
• «Ինչպե՞ս պետք է վարվել, – հարցրեց իմ ծանոթներից մեկը, – եթե սեփական տանը հանկարծակի գտնում ես կնոջ սիրեկանին անկողին մտած այլ կնոջ հետ»։
• Ինչպե՞ս վարժեցնել ուղեղը մոռանալ սովորելու համար։
• Մարդակերները փափկամարմիններին են սիրում։
• Ինչքա՛ն հարուստ պետք է լինի պետությունը, որպեսզի թույլ տա իրեն բնակչության մի կեսին ոստիկան սարքել, մյուս կեսին էլ պահի բանտերում պետական միջոցներով։
• Ո՞րն է մարդու կոչումը։ Լինել մարդ։
• Երբ քաղաքական հեքիաթներում խոսվում է կենդանիների մասին, դա նշանակում է, որ ժամանակները ոչ մարդկային են։
• Երբ բռնակալները դիմում են տեռորին, կարելի է հանգիստ քնել։ Այլևս ամեն ինչ առանց խաբեության է լինելու։
• Երբ մանուշակները սկսեցին բուրալ, կղկղանքը ասաց. «Հետո՞ ինչ, նրանք էժան կոնտրաստի վրա են աշխատում»։
• Երբ կբնակեցվեն անապատները, կանհետանան օազիսները։
• Երբ գոչում են «Կեցցե», դա նշանակում է լոկ այն, որ դեռևս համբերում են։
• Երբ առասպելը իրականություն է դառնում, դա ո՞ւմ հաղթանակն է` իդեալիստների՞, թե մատերիալիստների։
• Երբ միֆը բախվում է մեկ այլ միֆի հետ, բախումը սովորաբար բավականին իրական է լինում։
• Երբ շոգեմեքենավարը նոր ուղիներ է փնտրում, գնացքը գծից դուրս է գալիս։
• Երբ ժողովուրդը ձայնազուրկ է, դա զգացվում է անգամ օրհներգի կատարման ժամանակ։
• Երբ քամի չի փչում, տանիքի վրա տեղադրված հողմացույցն էլ է հաստատակամ բնավորություն դրսևորում։
• Երբ ծիծաղելու առիթ չկա, ծնվում են երգիծաբաններ։
• Երբ գլուխներ են թռնում, գլուխդ մի՛ խոնարհի։
• Երբ բամբասանքները ծերանում են, դրանք միֆեր են դառնում։
• Երբ քամելեոնը իշխանության գլուխ է, գույները փոխում են իրենց շրջապատը։
• Երբ ես մտածեցի, որ այլևս հասել եմ հատակին, ներքևից թակեցին։
• Ո՞ւմ հետ ամուսնացնել ազատությունը, որպեսզի այն անպտուղ չմնա։
• Խարույկներով չես փարատի խավարը։
• Գեղեցիկ սո՞ւտ։ Ուշադրությո՛ւն, դա արդեն ստեղծագործություն է։
• Գլխի վերևի տանիքը հաճախ թույլ չի տալիս մարդկանց աճել։
• Ով թեքվել է դեպի դժոխք տանող ճանապարհից, նրան այլևս չի վախեցնի նախազգուշացումը. «Այս ճանապարհը ոչ մի տեղ չի տանում»։
• Ո՞վ է ուսումնասիրում ապտակի վրայի մատնահետքերը։
• Ով գիտի, ինչ կբացահայտեր Կոլումբոսը, եթե նրա ճանապարհին չլիներ Ամերիկան։
• Արդյոք կարո՞ղ է մարդակերը խոսել իր կողմից կերված մարդկանց անունից։

• Դափնիները երբեմն գլխի մեջ արմատներ են թողնում։
• Ավելի հեշտ է մեկին պոռնիկ անվանել, քան պոռնիկ լինել։
• «Պառկի՛ր – վե՛ր կաց»` դա ընդամենը նորակոչիկների առօրյան է, «Մահացի՛ր – հարությո՛ւն առ»` ահա սա՛ է կյանքը։
• Թշնամու դեմքը ինձ վախեցնում է, երբ ես տեսնում եմ, ինչքան է այն նման իմ դեմքին։
• Սուտը տարբերվում է ճշմարտությունից նրանով, որ ճշմարտություն չէ։
• Յուրաքանչյուր գարշահոտ, որը օդափոխիչի հետ է պայքարում հակված է իրեն Դոն Կիխոտ համարել։
• Հայրենիքի նկատմամբ սերը սահմաններ չի ճանաչում։
• Մարդիք մինչը դժոխք էլ կհասնեն։ Եվ այնտեղ կյուրացնեն ծծումբի հարուստ պաշարները։
• Կգա ժամանակ, երբ մարդիք եղբայրներ կդառնան և նորից կսկսեն Կայենից ու Աբելից։