Աշոտ Մելքոնյան

Վիքիքաղվածք-ից

Աշոտ Աղասու Մելքոնյան (1961, փետրվարի 16, Ախալքալաք), հայ պատմաբան, պատմական գիտությունների դոկտոր (2002), պրոֆեսոր (2004), ՀՀ ԳԱԱ թղթակից անդամ (2006), ակադեմիկոս (2015)։

Քաղվածքներ[խմբագրել]

  • Խորապես համոզված եմ, որ այդ տարածաշրջանում ապրող հայերն ու վրացիները, որոնք ընդհանուր պատմություն ունեն, անցել են քաղաքական և կրթական միանման ճանապարհ, պարզապես դատապարտված են լինել միասին, կողք կողքի ապրել և չեն կարող վատ, թշնամական հարաբերություններ ունենալ[1]։
  • Ինձ համար սա առանձնակի նշանակություն ունի, քանի որ Ախալքալաքն իմ հարազատ քաղաքն է, ես այստեղ եմ ծնվել, մեծացել, ավարտել դպրոցը։ Այդ կոչումն ինձ համար շատ թանկ է, և նման վերաբերմունքն ինձ համար անհասկանալի է[1]։
  • Կարծում եմ` դա Առաջին աշխարհամարտն է, երբ համահայկական մտածողություն ունեցող բանաստեղծը հասկանում էր, որ հնարավորություն է ընձեռվել մեր բռնազավթված հայրենիքի մնացած մասը ևս ազատագրելու և միացյալ Հայաստան ստեղծելու համար։ Պատահական չէ, որ դեռ պատերազմը չսկսված Թումանյանը 1914 թվականի հոկտեմբերին ստեղծեց Հայ գաղթականների օգնության կոմիտե և հետագայում այդ գործունեությունը շարունակեց նաև 17-18թթ` «Մեկ հայ, մեկ ոսկի» շարժումը նախաձեռնելով։ Նա հազարավոր հայ որբուկների փրկեց գերությունից։ Ռուսական ոսկե տասանոցները յուրաքանչյուր հայ մանուկի համար վճարելով կարողացավ նրանց վերադարձնել հայրենիք, և Ալեքսանդրապոլի, Էջմիածնի, Երևանի, Թիֆլիսի որբանոցներում մնալով այդ երեխաները նորից վերահայացան[2]։

Ծանոթագրություններ[խմբագրել]


Վիքիպեդիա
Վիքիպեդիա
Կարդացե՛ք Աշոտ Մելքոնյան հոդվածը նաև Վիքիպեդիայում: