Վլադիմիր Արսենև

Վիքիքաղվածք-ից
Jump to navigation Jump to search

Վլադիմիր Կլավդիևիչ Արսենև (ռուս.՝ Влади́мир Кла́вдиевич Арсе́ньев, 1872-1930), գիտնական, ճանապարհորդ, գրող։

Քաղվածքներ «Դերսու Ուզալա» վեպից[խմբագրել]

  • Գետնին առատ ցող էր իջնում, ստույգ նշան, թե վաղը լավ եղանակ է լինելու[1]:
  • ...նախամարդն ամբողջ շրջապատը մարդացրել էր[1]:
  • Աշնանն ամպոտ օրը սովորաբար շուտ է մթնում[1]:
  • Հովտի վայրի գեղեցկությունը մեղմանում է մարդկանց ներկայությունից[1]:
  • Ուսսուրյան երկրի տայգայում միշտ պետք է նկատի ունենալ, որ վայրի գազանների հանդիպելը միշտ հնարավոր է: Բայց ամենից տհաճը մարդու հանդիպելն է[1]:
  • Ամեն անգամ, երբ այնպիսի անտառ ես մտնում, որ մի քանի հարյուր կիլոմետր տարածություն է բռնում, ակամա երկչոտության պես մի բան ես զգում: Այսպիսի նախնական անտառը յուրատեսակ տարերք է: Որքան ավելի առաջ, այնքան անտառն ավելի էր լցված կոճղերով: Հողի բուսական շերտը լեռներում չափազանց աննշան է, այդ պատճառով էլ ծառերի արմատները խոր չեն մտնում հողի մեջ, այլ փռվում են հողի երեսին: Այս պատճառով ծառերն ամուր չեն կանգնած և քամուց հեշտ են շուռ գալիս[1]:
  • Անտառում և բաց տեղերում առավոտյան լուսածագն ու երեկոյան աղջամուղջն ըստ ժամանակի չեն զուգադիպում: Բավական է, որ մի փոքրիկ ամպի կտոր ծածկի արևի երեսը, անտառը միանգամից խոժոռանում է, եղանակը թվում է ամպամած[1]:
  • — Գազան սպանելը դժվար չէ, այդտեղ մի առանձին բան չկա: Դժվարը նրան տեսնելն է[1]: Կաշլև
  • Ամռանը գազան կարելի է որսալ միայն առավոտը, լուսաբացին, աղջամուղջին և մթանը: Ցերեկը նա ընկած է որևէ թավուտում, և նրան գտնելը դժվար է[1]:
  • Անտառում որքան էլ անձրև քիչ լինի, այնուամենայնիվ, այն մինչև վերջին թելը կթրջի: Յուրաքանչյուր թուփ ու յուրաքանչյուր ծառ անձրևաջուրը հավաքում է տերևների վրա ու խոշոր կաթիլներով ցանում անցորդի վրա ոտքից գլուխ[1]:
  • Երբ գիշերը լույս է երևում, դժվար է որոշել՝ հեռո՞ւ է, թե՞ մոտիկ, ցա՞ծր է, թե՞ գետնից բարձր: Այն գտնվում է այնտեղ՝ տարածության մեջ[1]:
  • Ում վիճակված է գործ ունենալ բնության հետ և օգտվել նրա հում վիճակում գտնվող բարիքներից, պետք է համբերության մեջ լինի նրա հետ նույնիսկ այն ժամանակ, երբ բնությունը նրան չի փաղաքշում[1]:
  • Հաճելի չէ գտնվել մի տանը, երբ տանտերերը սիրալիր չեն[1]:

Ծանոթագրություններ[խմբագրել]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Վլադիմիր Արսենև, Դերսու Ուզալա, Ե., Դարակ, 2020: Թարգմանիչ` Հակոբ Սառիկյան: