Ճամփորդություն գիշերից անդին

Վիքիքաղվածք-ից
Jump to navigation Jump to search

Ճամփորդություն գիշերից անդին (ֆր.՝ Voyage au bout de la nuit), ֆրանսիացի գրող Լուիս-Ֆերդինանդ Սելինի վեպն է, որը առաջին անգամ տպագրվել է 1932 թ.:

Քաղվածքներ[խմբագրել]

  • Էն կատուները, որ շատ մեծ սպառնալիքի տակ են, ամեն դեպքում, ի վերջո ջուրն են նետվում:
  • Դժվար է հասնել հիմնականին, նույնիսկ եթե խոսքը վերաբերում է պատերազմին, երևակայությունը երկար է դիմանում:
  • Ամեն կոպին՝ մի ամսվա քուն, ահա ինչ էինք կրում մեր վրա, նույնքան էլ մեր գլխի մեջ, չհաշված կիլոներով երկաթեղենը:
  • Ոչ մի գեներալ վարդի թուփ չի սիրում: Հայտնի բան է:
  • Գեներալը լափելու շատ բան ուներ, քանի որ, օրենքի համաձայն, նա ստանում էր մենակ իր համար քառասուն օրաբաժին։
  • … մեծ պարտություն կլինի մոռանալ, հատկապես էն, ինչը հոգիդ հանում ա և հոգիդ հանում ա առանց մի րոպե հասկանալու, թե ինչ աստիճանի կարող են մարդիկ անասուն լինել:
  • Երբ մարդ երևակայություն չունի, մեռնելը դժվար չի, երբ ունի, մեռնելը ծանր բան է: Ահա իմ կարծիքը: Երբեք այսքան բան չէի հասկացել միանգամից:
  • Ոչ մի բանի մասին մարդ հենց սկզբից չի մտածում: Բանտից գոնե կենդանի ես դուրս գալիս, իսկ պատերազմից`չէ: Մնացած ամեն ինչը բառեր են:
  • …պատերազմը, մի խոսքով, էն ամենն էր, ինչ մենք չէինք հասկանում:

Աղբյուրներ[խմբագրել]