Ժորժ Սանդ
Ամանտինա Ավրորա Լյուսիլ Դյուպեն (ֆրանսերեն՝ Amantine Aurore Lucile Dupin), ավելի ճանաչված կեղծանվամբ՝ Ժորժ Սանդ (ֆրանսերեն՝ George Sand) (հուլիսի 1, 1804 — հունիսի 8, 1876), ֆրանսիացի գրող։ Նա ճանաչված է որպես առաջին խոշոր համբավ ստացած ֆրանսիացի կին գրող։
Քաղվածքներ[խմբագրել]
- Մենք չենք կարող պատռել մեր կյանքի էջերից որևէ մեկը, բայց կարող ենք կրակի մեջ նետել ամբողջ գիրքը[1]։
- Կյանքում կա միայն մեկ երջանկություն՝ սիրել և լինել սիրելի[2]։
- Չսիրվածը միշտ ամբոխի մեջ միայնակ է[2]։
- Ամուսնական կյանքը հաճելի է մինչև ամուսնությունը[2]։
- Առանց սիրո ամուսնությունը ցմահ տաժանակրություն է[2]։
- Ուրախությունը հոգու և մարմնի լավագույն հիգիենան է[2]։
- Համեստությունը երբեմն բխում է չափազանցված հպարտությունից[2]։
- Բանականությունը որոնում է, իսկ սիրտը՝ գտնում[2]։
- Ազնվությունը մահանում է, երբ վաճառվում է[2]։
- Յուրաքանչյուր ոք սիրված լինելու պահանջ է զգում․ դա նրան բարձրացնում է սեփական աչքում[2]։
- Կինը չի կարող սիրել այն մարդուն, որն, ինչպես նա զգում է, իրենից ավելի ցածր է։ Առանց ակնածանքի ու հիացմունքի սերը սոսկ բարեկամություն է[2]։
- Ամուսնությունը գեղեցիկ է սիրահարվածների համար և պիտանի՝ սրբերի համար[3]։
Աղբյուրներ[խմբագրել]
- ↑ Նաիրա Ավագյան և Լուսինե Զակալաշվիլի, ed (2010). Փիլիսոփայական ասույթներ. «Զանգակ-97» Հրատարակչություն. էջ 14. ISBN 978-99941-1-748-2.
- ↑ 2,0 2,1 2,2 2,3 2,4 2,5 2,6 2,7 2,8 2,9 Իմաստության ոսկե հանրագիտարան, մտահղացել, թարգմանել և կազմել է Ա․ Ավագյանը, Երևան, Հայագիտակ, 2017, էջ 383։
- ↑ Իմաստության ոսկե հանրագիտարան, մտահղացել, թարգմանել և կազմել է Ա․ Ավագյանը, Երևան, Հայագիտակ, 2017, էջ 384։
