Բոդո Շեֆեր

Վիքիքաղվածք-ից
Jump to navigation Jump to search
Բոդո Շեֆեր

Բոդո Շեֆեր (գերմ.՝ Bodo Schäfer, սեպտեմբերի 10, 1960, Քյոլն, Գերմանիա), գերմանացի ֆինանսական խորհրդատու, գործարար և գրող։

Քաղվածքներ[խմբագրել]

  • Խնայեք ձեր շահույթի 25%-ը և գերշահույթի 50%-ը առանձին հաշվի վրա: Հետագայում ներդրեք այդ գումարները: Բանկերը կոպեկներ են վճարում ձեզ և ձեր գումարը փրկում են միայն արժեզրկումից[1]:
  • Խնայեք: Միայն եթե խնայում և ներդնում ես քո գումարը, կկարողանաս միլիոնատեր դառնալ մի քանի տարուց: Սպառողական ապրելակերպը չի հանգեցնում բարօրության աճի[1]:
  • Սիրեք փողը: Մեր խնդիրն այն է, որ մենք վատ ենք վերաբերվում փողին: Հոգ տարեք նրա մասին: Ոչ ոք չի ասում, որ պետք է հրաժարվել հաճույքներից, բայց ամեն ինչ պետք է խելամիտ սահմաններում լինի[1]:
  • Ձեր ֆինանսական պլանը կազմեք 7-10 տարվա համար: Որոշեք, թե ինչի եք ձգտում և որքան գումար եք ցանկանում աշխատել մեկ տարի հետո, երկու տարի հետո, հինգ տարի հետո և այդպես շարունակ: Որոշեք, թե ինչ պետք է անեք այդ ամենի համար[1]:
  • Երազանքները չպետք է մանր լինեն: Մտածեք գլոբալ: Երազեք միլիարդների մասին, մեծ հաջողության մասին: Մեծ երազանքները բաժանեք ոչ մեծ նպատակների: Հետևողականորեն հասեք այդ ոչ մեծ նպատակներին, որոնք կտանեն ձեզ դեպի ձեր մեծ երազանքը[1]:
  • Ձեր մտածողության սկզբունքները պետք է միլիոնատերի կամ միլիարդատերի սկզբունքներ լինեն: Փորձեք առաջնորդվել այնպիսի արժեքներով, ինչպիսիք նրանք ունեն[1]:
  • Ինքնավստահ եղեք: Փողերը ձգտում են դեպի ինքնավստահ մարդիկ: Վստահ եղեք ձեր հաջողության մեջ, անգամ եթե գործերն այնքան էլ լավ չեն գնում: Ես սնանկ էի 26 տարեկանում ու կորցրել էի ամեն ինչ, բայց գտա իմ մեջ ուժ ոտքի կանգնելու և միլիոնատեր դառնալու համար[1]:
  • Մի վախեցեք խնդիրներից: Սովորեք ուրախանալ խնդիրների ու անհաջողությունների համար: Մեծ նպատակները մեծ դժվարություններ ու մեծ խնդիրներ են ծնում, բայց այդ խնդիրները հաղթահարելով՝ մենք ուժեղ ենք դառնում[1]:
  • Ընկածը, վեր կենալով, դառնում է ավելի ուժեղ: Հիշեք այս մասին ամենադժվար իրավիճակներում:
  • Ֆինանսական ազատության կարելի է հասնել՝ միայն ֆինանսական սահմանափակումների միջով անցնելով: Ֆինանսական բարօրություն անհնար է ունենալ առանց սեփական ծախսերը որոշելու ու պլանավորելու[1]:
  • Եթե դուք որոշել եք ինչ-որ բան անել, բայց չեք սկսել դա անել մոտակա 72 ժամվա ընթացքում, ապա 85% դեպքերում դուք դա այդպես էլ չեք անի[1]:
  • Հավատո՞ւմ եք դուք, որ կհարստանաք: Կարևոր չէ՝ հավատում եք դուք, թե ոչ, բայց եթե դուք հետևեք ֆինանսների կառավարման պարզ սկզբունքների, դուք անպայման կհարստանաք: Ոչ ավելի ուշ, քան 7-10 տարվա ընթացքում: Սովորեք ճիշտ վերաբերվել ձեր գումարին հենց հիմա[1]:
  • Մեր ջանքերի միայն 20%-ն է հանգեցնում 80% արդյունքների: Հետևաբար մյուս 80%-ը ընդամենը բերում է մեզ 20% արդյունք[1]:
  • Հարստությունը մեր իրավունքն է, որ տրված է մեզ ի ծնե: Հարուստ լինելու համար պարտադիր չէ հարուստ ընտանիքում ծնված լինել, ստանալ լավ կրթություն և այլն և այլն: Բավական է միայն փողին ճիշտ վերաբերվել և ձգտել կատարելության[1]:
  • Ինքնավստահությունն ու դրական մտածողությունը ֆինանսական հաջողության կարևոր բաղկացուցիչներն են: Հաջողության նոթատետր ունեցեք: Գրի առեք այնտեղ 5 բան, որը դուք այդ օրը լավ եք արել: Եթե այդքան բան չկա մեկ օրվա ընթացքում, պարզապես գրեք, թե ինչով է ձեզ դուր եկել այդ օրը[1]:
  • Մտածեք ձեր առողջության մասին: Հաջողությունն անհնար է առանց լավ առողջության: Հարստությունը առանց առողջության ձեզ երջանկություն չի բերի[1]:
  • Դուք միշտ պետք է ունենաք ֆինանսական պահուստային ֆոնդ առնվազն 6 ամսվա կյանքի համար: Դուք կարող եք կորցնել աշխատանքը, եկամուտները, աշխատունակությունը, ինչ-որ տեղից գումար վերցնելու հանարավորությունը: Ցավոք շատ հաջողակ բիզնեսմեններ մոռանում են այս շատ կարևոր կանոնի մասին[1]:
  • Լավ եկամուտների համար պետք են լավ գիտելիքներ: Փորձեք անդադար սովորել, կարդալ, ընդլայնել աշխարհայացքը: Հիմարների բախտը միայն խաղատանն է բերում, այն էլ՝ ոչ միշտ[1]:
  • Կապիտալիզմը մի մեծ ջրավազան է, որը լի է կոկորդիլոսներով: Չի կարելի մոռանալ, թե ինչ ժամանակներում եք դուք ապրում: Կենդանի կմնա միայն ուժեղագույնը, հարուստ կլինի և իր հարստությունը կպահպանի միայն ուժեղագույնը[1]:
  • Հարստությունն այն է, ինչը դուք խնայել եք կամ մի կողմ եք դրել, այլ ոչ թե այն, ինչը դուք ծախսել եք խաղատանը, ռեստորանում կամ խանութում[1]:
  • Ձեզ չե՞ն վճարում այնքան, որքան դուք արժանի եք: Ոչ, եթե դուք աշխատում եք այդ գումարի դիմաց, նշանակում է՝ դուք հենց այդքանի էլ արժանի եք: Եթե ինչ-որ բան ձեզ չի բավարարում, փոխեք աշխատանքը, կենսակերպը, ինքներդ ձեզ[1]:

Ծանոթագրություններ[խմբագրել]