Ումբերտո Սաբա

Ումբերտո Սաբա (իտալ.՝ Umberto Saba, իսկական ազգանունը՝ Պոլի, Poli, մարտի 9, 1883, Տրիեստ - օգոստոսի 25, 1957, Գորիցիա), իտալացի գրող, բանաստեղծ։

Քաղվածքներ

• Ջահելությունը՝

դժվարության ծարավ,

իր հոժար կամքով

ուսն է հարմարեցնում

ծանր բեռան տակ։

Բայց չի դիմանում։

Փլվում է արցունքներից։

Ումբերտո Սաբայի անվան գրախանութ Տրիեստում

• Ահա կաթիլն այդ դաժան, վառ-կարմիր,

ընկնում է ներքև, ամփոփվում հողում։

Ախ, վաղը ևեթ հենց այս նույն տեղում

կաճի ողբացյալ շուշանը երկնի։

• Մի ցանկություն՝

ապրել հիմա

բոլորի մեջ,

բոլորի պես,

բոլորի հետ։

Ինձ համակած

ամենամեծ հրճվանքն է սա։

• Բայց և մահն է դուռը բախում։

Նաև մահն է իր բաժինը հայցում կյանքից։