Հայ ժողովրդական հանելուկներ տան բաղկացուցիչների մասին

Վիքիքաղվածք-ից
Jump to navigation Jump to search
1rightarrow.png  Տես նաև Հանելուկներ 

Հայ ժողովրդական հանելուկներ տան բաղկացուցիչների մասին, հանելուկներ, որոնց լուծման առարկան հանդիսանում է տան որևէ բաղկացուցիչ։

Հանելուկներ պատերի մասին[խմբագրել]

  • Չորս եղբայր կանգնած իրար երես են նայում,
Իրար մոտ չեն գնում:
Շամախի
  • Մեր տունը չորս հարսը,
Չորսն էլ մի բոյի:
Վան

Հանելուկներ պատի ծեփի մասին[խմբագրել]

  • Ճկռիկ-մկռիկ կպիր պատ։
Մոկս

Հանելուկներ դռների մասին[խմբագրել]

  • Հըզար մդան, հըզար էլլան,
Ասլան (առյուծ) - խապլան (ինծ) ուրանց դեխեն չելլան:
Թալին - Աշնակ
  • Կոգոլ (անպոչ) հավ մե ոտքին կայնուկ։
Ղուկասյան - Ղազանչի
  • Թոփալ Հայրապետ կայներ է ոտքին։
Մուշ
  • Արի՛, Գուգու՛լ, գնա՛, Գուգու՛լ,
Ոտիդ վրա խաղա, Գուգու՛լ:
Լոռի - Շնող
  • Դոդոշ մուրուք պատեն կախ,
Կերթա - գիկա:
Ղուկասյան - Ղազանչի

Հանելուկներ դռան բռնակի մասին[խմբագրել]

  • Հարս մը (վ. պան մը) ունիմ, որ եկող գացողին ձեռքը կը պագնե։
Կյուրին, Խարբերդ

Հանելուկներ կողպեքի մասին[խմբագրել]

  • Սև շունը (վ. սատանեն) պատեն կախ։
Ախալցխա, Շիրակ
  • Պոլատ (անպոչ) կտել (գդալ)՝ կպե պատ։
Լոռի
  • Մարդ գնաց, լամուկ (փոքրիկ) տղա էկավ։
Սասուն

Հանելուկներ բանալու մասին[խմբագրել]

  • Մի ծիտ՝ մի տուն կը պահե։
Բորչալու
  • Հանքըմ (հանելուկ) ունեմ հանա, հանա,
Որտեզ զարկեմ, էնտեղ բանա:
Ախալցխա

Հանելուկներ բանալու և կողպեքի մասին[խմբագրել]

  • Կաքավը նստավ, ճուտը թռավ։
  • Մերը մնաց, բալեն թռավ։

Հանելուկներ օջախի մասին[խմբագրել]

  • Էրկու ծնկիկ,
Դեմ - դեմիկ:
Արաբկիր
  • Երկու պառավ,
Իրար խեթ նստած:
Զանգեզուր

Հանելուկներ ծխնելուզի մասին[խմբագրել]

  • Սև ղառղի (ագռավ) պես կանգնած է։
Ախալցխա
  • Էն ի՞նչ է.
Բերնով կուտե,
Գլխեն դուրս կուտա:
Շիրակ
  • Ինքը դուրսը,
Պոչը ներսը:
Բաբերդ

Արտաքին հղումներ[խմբագրել]