Թոմաս Էդիսոն
Թոմաս Ալվա Էդիսոն (անգլ.՝ Thomas Alva Edison, փետրվարի 11, 1847 — հոկտեմբերի 18, 1931), ամերիկացի գյուտարար և գործարար։
Քաղվածքներ[խմբագրել]
- Անհանգստությունը անբավարարվածություն է, իսկ անբավարարվածությունը առաջընթացի առաջնագույն պայմանն է[1]։ Ցույց տվեք ինձ միանգամայն բավարարված մարդու, և ես ձեզ համար նրա մեջ կբացահայտեմ անհաջողակին[2]։
- Ես պարտություններ չեմ կրել, ես պարզապես գտել եմ 5000 տարբերակ, որոնք չեն աշխատում։ Ստացվում է՝ ես 5000 տարբերակով ավելի մոտ եմ կանգնած այն տարբերակին, որը կաշխատի (Շիկացման լամպի հայտնագործման համար Էդիսոնը կատարել է ավելի քան 11 000 փորձ)[3]։
- Դուք հարցնո՞ւմ եք իմ ձեռքբերումների մասին։ Ես ունեմ հսկայական քանակությամբ ձեռքբերումներ։ Հիմա ես գիտեմ մի քանի հազար բան, որոնք չի կարելի անել[3]։
- Շատ հայտնի բիզնեսմեններ, իրենց հաջողության մասին պատմելով, ասում են միևնույն խոսքը. «Փողերն ընկած էին գետնին. դրանք հարկավոր էր միայն բարձրացնել»։ Բայց ահա նրանցից ոչ ոք չի ասում, թե քանի անգամ է ստիպված եղել կռանալ դրանք բարձրացնելու համար[3]։
- Մեր ամենամեծ թերությունն այն է, որ մենք չափազանց արագ ենք թևաթափ լինում։ Հաջողության տանող ամենավստահելի ճանապարհը ևս մեկ անգամ փորձելն է[3]։
- Ես չեմ ունեցել աշխատանքային և հանգստյան օրեր։ Ես պարզապես արել եմ իմ գործը և դրանից հաճույք ստացել[3]։
- Ցավոք շատ մարդիկ, ովքեր վերջնականապես հուսահատվել են ու թևաթափ եղել, երբեք չեն իմանա, թե որքան մոտ էին իրենք հաջողությանն այդ պահին[3]։
- Եթե կան հավակնություններ, ինչպես նաև ցանկություն և ուժ գիշեր ու ցերեկ աշխատելու համար, ապա ամեն ինչ, անգամ ամենահավակնոտ ծրագրերը իրագործելի են մարդու համար[3]։
- Հաջողությունն այն է, երբ քո պատրաստվածությունը համապատասխանում է քեզ բախտ վիճակված հնարավորությանը[3]։
- Ամեն չստացված փորձ ևս մեկ քայլ է դեպի առաջ[3]։
- Հանճարը իրենից ներկայացնում է 1% ոգեշնչում և 99% քրտնաջան աշխատանք[3]։
- Հանճարի գաղտնիքը աշխատանքի, համառության և առողջ դատողության մեջ է[3]։
- Եթե մենք անեինք այն ամենը, ինչ մեր ուժերի սահմանում է, մենք ինքներս կապշեինք դրա վրա[3]։
- Մարդկանց մեծ մասը բաց է թողնում իրեն հանդիպած հնարավորությունը, որովհետև վերջինս կոմբինիզոն է կրում և աշխատանքի տեսքն ունի[3]։
- Ամեն ինչ տրվում է նրան, ով հանգսիտ չի նստում տեղը ու սպասում[3]։
- Մարդկանց մեծ մասը հավատում է, որ մի օր ինքը կարթնանա հարուստ։ Կիսով չափ նրանք իրավացի են։ Ինչ-որ մի օր նրանք իսկապես կարթնանան[3]։
- Մարդկանց մեծամասնությունը պատրաստ է անդադար չարչարվել, միայն թե ազատվի մի փոքր մտածելու անհրաժեշտությունից[3]։
- Այն ժամանակ ես առանց այդ էլ շերիֆին օրական 5$ էի վճարում, որպեսզի նա պարտքերի պատճառով չփակի իմ արհեստանոցը։ Հիմա էլ գազն անջատեցին չվճարելու պատճառով։ Ես այնպես բարկացա, որ սկսեցի կարդալ գազի մասին եղած ողջ գրականությունը և որոշեցի անել ամեն հնարավորը, որ այն փոխարինեմ էլեկտրականությամբ[3]։
- Մենք կդարձնենք էլեկտրականությունն այնքան մատչելի, որ մոմեր կսկսեն վառել միայն հարուստները[3]։
- Գաղափարի արժեքը որոշվում է նրա օգտակարությամբ[3]։
- Երբեք մի հայտնագործեք մի բան, որը պահանջարկ չունի[3]։
- Եթե ուզում եք լավ գաղափարներ հորինել, հիշեք, որ դրանցից լավագույնները կարող եք վերցնել ուրիշներից[3]։
- Լավագույն գաղափարներն առաջացել են միայնության մեջ, վատագույնները՝ խառնաշփոթի[3]։
- Եթե մահվանից հետո կա ինչ-որ բան, դա լավ է։ Եթե չկա, էլի լավ է։ Ես ապրել եմ իմ կյանքը և արել եմ առավելագույնը, որ կարող էի անել[3]։
- Հավատը մխիթարող խաղալիք է նրանց համար, ովքեր չեն կարողանում մտածել[3]։
- Ես երբեք չեմ կարողացել լավ սովորել դպրոցում։ Ես միշտ դասարանի ամենաթույլերի մեջ էի։ Ես զգում էի, որ ուսուցիչներն ինձ չեն հավանում, և որ հայրս մտածում է, որ ես հիմար եմ։ Այդպես ես էլ եզրակացրի, որ ես, ամենայն հավանականությամբ, ապուշի մեկն եմ[3]։
- Ես կարողացել եմ դառնալ գյուտարար, որովհետև մանկության տարիներին դպրոց չեմ գնացել[3]։
- Ինչ պետք չեն ոչ ձիեր, ոչ շքեղ նավեր։ Այդ ամենի համար ես ժամանակ չունեմ։ Ինձ պետք է արհեստանոց[3]։
- Ես դեռ այնքան շատ բան պետք է հասցնեմ անել, իսկ կյանքը շատ կարճ է։ Ես պարտավոր եմ շտապել[3]։
- Եթե կա տարբերակ ինչ-որ բան ավելի լավ անելու, ապա գտեք այդ տարբերակը[3]։
- Քաղաքակրթության մեծագույն առաջադրանքը մարդուն մտածել սովորեցնելն է[3]։
- Ես հասկացել եմ, թե ինչ է պետք աշխարհին։ Ես դա կհայտնագործեմ[3]։
- Մեր ամենամեծ թերությունն այն է, որ մենք չափազանց շուտ ենք հանձնվում։ Հաջողության ամենափորձված ճանապարհը շարունակաբար ևս մեկ անգամ փորձելն է[4]։
Քաղվածքներ Էդիսոնի մասին[խմբագրել]
- Եթե չլիներ Էդիսոնը, մենք հեռուստացույց կդիտեինք մոմերի ներքո[2]։
- Օլ Բոլիսկա
- Առաջին խոսող սարքը ստեղծել է Տեր Աստված, իսկ Էդիսոնը ստեղծել է առաջին խոսող սարքը, որը հնարավոր է անջատել[2]։
- Անհայտ ամերիկացի
Աղբյուրներ[խմբագրել]
- ↑ Սուրեն Գրիգորյան, ed (2006). Ասույթներ. «Լուսաբաց հրատարակչատուն». էջ 62.
- ↑ 2,0 2,1 2,2 Цитаты Эдисона
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 3,21 3,22 3,23 3,24 3,25 3,26 3,27 3,28 3,29 3,30 ԹՈՄԱՍ ԷԴԻՍՈՆԻ՝ ԱՇԽԱՐՀԻ ԱՄԵՆԱԱՇԽԱՏԱՍԵՐ ԳԻՏՆԱԿԱՆԻ ԻՄԱՍՏՈՒՆ ՄՏՔԵՐԸ (2016-04-28)։ Վերստացված է՝ 2018-03-03։
- ↑ 25 ՄՈՏԻՎԱՑՆՈՂ ՄՏՔԵՐ ԲՈԼՈՐ ԺԱՄԱՆԱԿՆԵՐԻ ԻՄԱՍՏՈՒՆՆԵՐԻՑ (2015-12-21)։ Վերստացված է՝ 2018-03-03։
