Գոլդա Մեիր
Jump to navigation
Jump to search
Գոլդա Մեիր (եբր.՝ גולדה מאיר), ամուսնական ազգանունը՝ Մեյերսոն (եբր.՝ מאירסון), ծննդյան ազգանունը՝ Մաբովիչ (եբր.՝ מבוביץ׳, ապրիլի 21 (մայիսի 3), 1898, Կիև, Կիևյան գուբերնիա, Ռուսական կայսրություն - դեկտեմբերի 8, 1978, Երուսաղեմ, Իսրայել), իսրայելցի քաղաքական և պետական գործիչ, Իսրայելի 5-րդ վարչապետը, Իսրայելի ներքին գործերի, արտաքին գործերի, աշխատանքի և սոցիալական պաշտպանության նախարար։
Քաղվածքներ[խմբագրել]
- Իշխանությունը թունավորում է բոլոր իշխանավորներին[1]։
- Գեղեցիկ չլինելը ճշմարիտ օրհնությունն էր։ Այն ինձ ստիպեց զարգացնել իմ ներքին ռեսուրսները։ Մինչդեռ գեղեցիկ աղջիկը թուլություններ ու խոչընդոտներ պետք է հաղթահարի[1]։
- Մովսեսը 40 տարի մեզ տարավ անապատով, որպեսզի Մերձավոր Արևելքում մեզ հասցնի այնպիսի մի վայր, որտեղ նավթի հետք չկա։
- Մերձավոր Արևելքում խաղաղություն կհաստատվի այն ժամանակ, երբ արաբներն իրենց երեխաներին կսիրեն ավելի շատ, քան ատում են հրեաներին։
- Անկեղծորեն կարող եմ ասել, որ ինձ երբեք չի հետաքրքրել իմ գործողությունների հաջողությունը։ Երբ գիտակցում էի, որ ճիշտ եմ գործում, անում էի ամենը, ինչ ինձանից կախված էր՝ անկախ հնարավոր արդյունքից։
- Այն առաջնորդը, որը ժողովրդին պայքարի ուղարկելուց առաջ չի խորհում, արժանի չէ առաջնորդ լինելու պատվին։
- Մեզ հաղթանակը չի ուրախացնում։ Մենք ուրախանում ենք, երբ բամբակի նոր սորտ է աճում և երբ Իսրայելում կծաղկի գետնաելակը։
- Պետք չէ համեստ լինել, Դուք այդքան էլ մեծություն չեք։
- Արդյոք կանայք տղամարդկանցից լավն են, չեմ կարող ասել, բայց, անշուշտ, վատն էլ չեն։
- Ովքեր սրտանց լացել չեն կարողանում, ուրախանալ էլ չեն կարող։
- Երբեք չեմ ների արաբներին այն բանի համար, որ մեր երեխաներին ստիպեցին սովորել իրենց սպանել։
- Ով իդիշերեն չգիտի, նա իսկական հրեա չէ։
- Մեզ մոտ չկա «Ես մտածում եմ», մեզ մոտ կա «Մենք մտածում ենք»։
- Մարդը, որը կորցնում է խիղճը, կորցնում է ամեն ինչ։
- Մենք բոլորս պաղեստինցիներ ենք. ապացույցնե՞ր են պետք։ Ես դեռ ունեմ հին անձնագիրս։
Ծանոթագրություններ[խմբագրել]
