Տիգրան Պետրոսյան

Տիգրան Վարդանի Պետրոսյան (հունիս 17, 1929, Թբիլիսի — օգոստոս 13, 1984, Մոսկվա), հայ անվանի շախմատիստ, շախմատի աշխարհի 9-րդ չեմպիոնը։

Քաղվածքներ

Ուժեղ շախմատիստը գիտի խաղի բոլոր կանոններն ու օրենքները։ Տաղանդավոր շախմատիստը գիտի այն ամենը, ինչ գիտի ուժեղ շախմատիստը, բայց առանձնացնում է նաև բացառությունը կանոնից։ Իսկ խոշոր շախմատային տաղանդները (անվանենք նրանց հանճարներ) այդ բացառությունը աստիճանաբար վերածում են նոր օրենքների։ Եվ այսպես՝ մինչև անվերջություն։ Որովհետև շախմատն անսպառ է^[1]։
Ձեզանից ոչ բոլորը կդառնան շախմատիստ, բայց ոչ ոք չի ափսոսա այն ժամանակը, որը տրվել է շախմատին, քանի որ այն կօգնի ձեզ ցանկացած մասնագիտության մեջ^[2]։

«Ինձ ապշեցնում է այն, որ հասնելով գերազանց դիրքի, Պետրոսյանը մշտապես գտնում է մանևրներ, որոնք ուժեղացնում են այս դիրքը:Պետրոսյանը լավ կարողանում է տեսնել և վերացնել վտանգը՝ այն ծագելուց քսան քայլ առաջ»^[3]։
—Ռոբերտ Ֆիշեր, աշխարհի 11-րդ չեմպիոն:
«Տիգրան Պետրոսյանը մեծ շախմատիստ էր։ Ցավալի է խոստովանել, որ այդպես շուտ կյանքից հեռացավ մի մարդ, որը մի դարաշրջան էր շախմատում։ Նրա մահն անդառնալի կորուստ էր շախմատային աշխարհի համար»^[4]։
—Նոնա Գափրինդաշվիլի, աշխարհի կանանց 5-րդ չեմպիոնուհին:
«Տիգրան Պետրոսյանը, հիրավի, շախմատային խաղի հսկա է»^[5]։
—Իշտվան Չոմ, միջազգային գրոսմայստեր:

Վիքիպեդիա

Կարդացե՛ք Տիգրան Պետրոսյան հոդվածը նաև Վիքիպեդիայում: