Նաիրյան դալար բարդի

«Նաիրյան դալար բարդի», Համո Սահյանի բանաստեղծությունների շարքը։

Քաղվածքներ

• Ասում են հին ես այնքան, որքան որ կրակն է հին,

Վառվելով լույս ես տվել ինքդ քո ճանապարհին,

Ու երբ քո ոսոխն անգութ օջախիդ հուրն է մարել,

Վառել ես ազնիվ հոգիդ ու նորից լույս ես արել։ - Հայ ժողովրդին

• Կերտել ես ոստանդ նոր, հավերժել փառքը նրա,

Հանճարիդ նուռն է հասել սրբատաշ քարիդ վրա...

• Ա՜խ, ես ինչ ասեմ անսիրտ Արազին,

Որ սիրտս կիսած անցնում է միջով։

• Այսպես եկել ես, այսպես անցել ես,

Դու անհիշելի ժամանակից,

Մահից փախել ես, բայց և դարձել ես

Մահվան ու կյանքի սահմանագիծ։ - Արաքս

• Այնպես է ելնում մեր քաղաքը, որ

Մասիս գնալու էլ կարիք չկա,

Բռնած իր բախտի ճանապարհը նոր,

Ինքն իր ոտքերով նա մեզ մոտ կգա։ - Ես հաստատ գիտեմ

• Ես երգիչ հրի, սրի, շահ չունեմ քո սիրուց զատ,

Քեզ նման կանաչ կյանքով քեզ համար ելած մարտի,

Կմեռնեմ, միայն թե դու դարերում ազատ խշշաս,

Իմ հեռու՜, հեռու՜ Նաիրյան դալար բարդի։ - Նաիրյան դալար բարդի

Աղբյուրներ

• Համո Սահյան, Նաիրյան դալար բարդի, Երևան, 1958։