Կամք

Կամք, մարդկային հոգեբանության հատկանիշներից մեկը, որն արտահայտվում է իր նպատակներին հասնելով, տոկունություն, համառություն։

Քաղվածքներ

• Կամքը ոչ այլ ինչ է, քան գործի վերածված միտք։

Բեստուժև-Մալինսկի

• Չկա ավելի գրավիչ բան, քան կամքը, որ հաղթում է մարմնին։

Ռոմեն Ռոլան

• Կամք ունեցող մարդու համար ոչ մի դժվարին բան չկա։

Էրազմ Ռոտերդամցի

• Մենք ավելի շատ ռւժ ունենք, քան կամք, և մենք հաճախ հենց միայն սեփական աչքում մեզ արդարացնելու համար շատ բան համարում ենք մեզ համար անհնարին։

Լարոշֆուկո

• Իրերի ընթացքը կախված է վճռական կամքից և մեր ջանքերից։

Ուելս

• Լուրջ, խոր, իսկական կամքը բնութագրվում է ամենից առաջ նպատակին հասնելու վստահության պատկերացման հետ շաղկապվածությամբ։

Գյոթե

• Մեր անհատականությունը այգի է, կամքը` նրա այգեպանը։

Շեքսպիր

• Այնտեղ, ուր կամք չկա, չկա նաև ճանապարհ։

Բեռնարդ Շոու

• Խելքը լուսավորում է կամքի ճանապարհը, իսկ կամքը կառավարում է գործողությունը։

Յան Կոմենսկի

• Կամքը անմտաբար դեպի պատահականորեն ընտրված նպատակը գնալու կարողությունը չէ, այլ նպատակաուղղված կերպով ու խելացիորեն քո և հասարակության համար օգտակար գործ գտնելու կարողությունը, այն իրականացնելու ձգտումը։

Աղբյուրներ

• Վ. Լ. Վորոնցով, Բանականության սիմֆոնիա, Երևան, 1981։